Gaivota

Láridos
Laridae
Gaivotas

Larus delawarensis adulto, en voo

Reino:	Animalia
Filo:	Chordata
Subfilo:	Vertebrata
Superclase:	Tetrapoda
Clase:	Aves
Orde:	Charadriiformes
Suborde:	Lari
Familia:	Laridae Rafinesque, 1815

Xéneros e Especies

Véxase o texto

A dos láridos (Laridae) é unha familia de aves acuáticas da orde dos caradriformes e suborde dos laros.

Comprende numerosas especies coñecidas vulgarmente en galego como gaivotas ou gavotas.^[1]

Son aves mariñas de mediano a gran porte (a máis pequena, Hydrocoloeus minutus, mide 29 cm e ten unha masa corporal de 120 g, e a máis grande, Larus marinus, ten unha lonxitude de 76 cm e unha masa de 1,75 kg). Tipicamente a súa plumaxe é gris, negra ou branca, frecuentemente con marcas negras na cabeza ou nas ás, e teñen as patas palmadas. Distribuídas por todo o mundo, moitas delas son aves abundantes e moi coñecidas nas súas tespectivas áreas de distribución.

Estreitamente relacionadas cos membros da familia dos estérnidos e, máis afastadamente, coas aves zancudas, a maioría das súas especies pertencen ao xénero Larus, que é o tipo da suborde e da familia.

Taxonomía

Descrición

A familia foi descrita en 1815 polo polímata, naturalista, meteorólogo e arqueólogo estadounidense de orixe franco-xermana-italiana Constantine Samuel Rafinesque.

Etimoloxía

O nome científico da familia, Laridae, está formado sobre a base da raíz do nome do seu xénero tipo, Larus, coa adición do sufixo do latín científico -idae, propio do nome das familias de animais.

Nota taxonómica

Durante moito tempo a maioría das gaivotas situáronse no xénero Larus, incluso ao longo do século XX.^[2]^[3] Este sistema predominou até principios do século XXI: nos anos 2005-2007 coñeceuse que esta agrupación era polifilética.

En 2005 un estudo de filoxenia molecular realizado por primeira vez sobre todas as especies recoñecidas de gaivotas (53 especies) demostrou que o xénero Larus así concibido non era monofilético.^[4] Confirmando as conclusións de dous estudos anteriores, un sobre morfoloxía,^[5] e o outro sobre caracteres moleculares,^[6] avogaron pola disociación de Larus en seis xéneros:^[4]

Chroicocephalus (11 especies)
Hydrocoloeus (2 especies)
Ichthyaetus (6 especies)
Larus (24 especies)
Leucophaeus (5 especies)
Saundersilarus (1 especie).

Algunhas destas recomendacións foron inmediatamente aceptadas pola comunidade científica internacional.^[7]^[8] Porén, algunhas aínda son obxecto de debate.

Clasificación

Subgrupos

Moitos ornitólogos distribúen ás gaivotas en dous subgrupos:^{[Cómpre referencia]}

As gaivotas de cabeza branca e ás grandes, como a Larus argentatus, Larus marinus ou Larus fuscus.
As gaivotas de ás brancas menores, como a Larus glaucoides ou Larus hyperboreus.

A hibridación entre as especies de gaivotas adoita ser frecuente, aínda que depende das especies. A taxonomía das gaivotas é complicada, especialmente nas de cabeza branca.^{[Cómpre referencia]}

Xéneros e especies

Xénero Larus

Larus argentatus Pontoppidan, 1763
Larus armenicus Buturlin, 1934
Larus atlanticus Olrog, 1958
Larus belcheri Vigors, 1829
Larus cachinnans Pallas, 1811
Larus californicus Lawrence, 1854
Larus canus Linnaeus, 1758
Larus crassirostris Vieillot, 1818
Larus delawarensis Ord, 1815
Larus dominicanus Lichtenstein, 1823
Larus fuscus Linnaeus, 1758
Larus glaucescens J. F. Naumann, 1840
Larus glaucoides B. Meyer, 182
Larus heermanni Cassin, 1852
Larus hyperboreus Gunnerus, 1767
Larus livens Dwight, 1919
Larus marinus Linnaeus, 1758
Larus michahellis J. F. Naumann, 1840
Larus occidentalis Audubon, 1839
Larus pacificus Latham, 1802
Larus schistisagus Stejneger, 1884
Larus smithsonianus Coues, 1862
Larus thayeri W. S. Brooks, 1915
Larus vegae Palmen, 1887

Xénero Ichthyaetus

Ichthyaetus leucophthalmus (Temminck, 1825)
Ichthyaetus hemprichii (Bruch, 1853)
Ichthyaetus ichthyaetus (Pallas, 1773)
Ichthyaetus audouinii (Payraudeau, 1826)
Ichthyaetus melanocephalus (Temminck, 1820)
Ichthyaetus relictus (Lonnberg, 1931)
Ichthyaetus wumizusume (Lonnberg, 1931)

Xénero Leucophaeus

Leucophaeus scoresbii
Leucophaeus atricilla
Leucophaeus pipixcan
Leucophaeus fuliginosus
Leucophaeus modestus

Xénero Chroicocephalus

Xénero Hydrocoloeus

Hydrocoloeus minutus

Xénero Rhodostethia

Rhodostethia rosea

Xénero Rissa

Rissa tridactyla
Rissa brevirostris

Xénero Pagophila

Pagophila eburnea

Xénero Xema

Xema sabini

Xénero Creagrus

Creagrus furcatus

Características

Bando de gaivotas na praia da Concha (Espasante, Ortigueira).

As gaivotas son en xeral aves grandes, de cor gris ou branca, a miúdo con pintas negras na cabeza ou nas ás. Adoitan ter bicos robustos, bastante longos. A maioría das gaivotas, particularmente as do xénero Larus, son carnívoras ou detrívoras (tomarán a comida viva ou recollerana do lixo se teñen a oportunidade) que inclúen na súa dieta caranguexos e peixes pequenos.^{[Cómpre referencia]}.

As gaivotas adoitan ser aves mariñas ou de lagos, ríos e lagoas interiores. Son voadoras de grandes distancias. As especies de maior tamaño tardan ata catro anos en lograr unha plumaxe de adulto, nas gaivotas pequenas este tempo redúcese a dous anos. Son aves con complexos métodos de comunicación e unha estrutura social moi desenvolvida. Certas especies (Larus argentatus) posúen condutas moi complexas.^{[Cómpre referencia]}.

Moitas especies de gaivota aprenderon a coexistir co home, polo que as súas poboacións medraron en zonas próximas a núcleos urbanos costeiros.^{[Cómpre referencia]}.

Galería de imaxes

Artigo principal: Galería de imaxes de Laridae de Galicia.

Gaivota en Laxe
Alimentando gaivotas con mexillón

Notas

↑ Definicións no Dicionario da Real Academia Galega e no Portal das Palabras para gaivota.
↑ Dwight, J. (1925): "The Gulls of the World". Bulletin of the American Museum of Natural History 52: 63-401.
↑ Moynihan, M. (1959): "A revision of the family Laridae (Aves)". American Museum Novitates 1928: 1–42.
↑ ^4,0 ^4,1 Pons, J. M., Hassanin, A. & Crochet, P. A. (2005): "Phylogenetic relationships within the Laridae (Charadriiformes: Aves) inferred from mitochondrial markers". Molecular phylogenetics and evolution 37 (3): 686-699.
↑ Chu, Philip C. (1998). "A Phylogeny of the Gulls (Aves: Larinae) Inferred from Osteological and Integumentary Characters". Cladistics (en inglés) 14 (1): 1–43. ISSN 1096-0031. doi:10.1111/j.1096-0031.1998.tb00202.x.
↑ Crochet; Bonhomme; Lebreton (2000). "Molecular phylogeny and plumage evolution in gulls (Larini)". Journal of Evolutionary Biology (en inglés) 13 (1): 47–57. ISSN 1420-9101. doi:10.1046/j.1420-9101.2000.00135.x.
↑ Sangster, G, Collinson, J. M., Knox, A. G., Parkin, D. T. & Svensson, L. (2007): "Taxonomic recommendations for British birds: Fourth report". Ibis 149 (4): 853– 857.
↑ Banks, R. C., Chesser, R. T., Cicero, C., Dunn, J. L., Kratter, A. W., Lovette, I. J., Rasmussen, P. C., Remsen, J. V. Jr., Rising, J. D., Stotz, D. F. & Winker, K. (2008): "Forty-ninth supplement to the American Ornithologists’ Union check-list of North Americancan birds" The Auk 125 (3): 758–768.

Véxase tamén

Bibliografía

Outros artigos

Ligazóns externas

Rudy's Gull-index: Imaxes das distintas especies de gaivotas.
The Norwegian Gull Page: Arquivo de tódalas especies de gaivotas de Europa.
Imaxes de paxaros - Gaivotas: Imaxes e descricións das gaivotas de España, Países Baixos, Francia e Polonia.
Vídeos de Gaivotas na Internet Bird Collection

[1] Definicións no Dicionario da Real Academia Galega e no Portal das Palabras para gaivota.

[2] Dwight, J. (1925): "The Gulls of the World". Bulletin of the American Museum of Natural History 52: 63-401.

[3] Moynihan, M. (1959): "A revision of the family Laridae (Aves)". American Museum Novitates 1928: 1–42.

[Pons-4] 4,0 ^4,1 Pons, J. M., Hassanin, A. & Crochet, P. A. (2005): "Phylogenetic relationships within the Laridae (Charadriiformes: Aves) inferred from mitochondrial markers". Molecular phylogenetics and evolution 37 (3): 686-699.

[5] Chu, Philip C. (1998). "A Phylogeny of the Gulls (Aves: Larinae) Inferred from Osteological and Integumentary Characters". Cladistics (en inglés) 14 (1): 1–43. ISSN 1096-0031. doi:10.1111/j.1096-0031.1998.tb00202.x.

[6] Crochet; Bonhomme; Lebreton (2000). "Molecular phylogeny and plumage evolution in gulls (Larini)". Journal of Evolutionary Biology (en inglés) 13 (1): 47–57. ISSN 1420-9101. doi:10.1046/j.1420-9101.2000.00135.x.

[7] Sangster, G, Collinson, J. M., Knox, A. G., Parkin, D. T. & Svensson, L. (2007): "Taxonomic recommendations for British birds: Fourth report". Ibis 149 (4): 853– 857.

[8] Banks, R. C., Chesser, R. T., Cicero, C., Dunn, J. L., Kratter, A. W., Lovette, I. J., Rasmussen, P. C., Remsen, J. V. Jr., Rising, J. D., Stotz, D. F. & Winker, K. (2008): "Forty-ninth supplement to the American Ornithologists’ Union check-list of North Americancan birds" The Auk 125 (3): 758–768.

[1]

[2]

[3]

[4]

[5]

[6]

[7]

[8]