Armenië
| Հայաստան (Hayastan) | ||
 |
 | |
 Kaarte van Armenië
| ||
| Informasie | ||
| Sproaken | Armeens | |
| Heufdstad | Jerevan | |
| Geleuf | Armeense Apostoliese Koarke | |
| Laand en inwonners | ||
| Oppervlakte - Water |
29.743 km² 4,71% | |
| Inwonners - Dichtheid |
3.018.854 101,5 inw./km² | |
| Koordinaten | 40° 11′ N, 44° 31′ O
| |
| Oaverig | ||
| Munteenheid | Dram (AMD)
| |
| Tiedzone | +4 | |
| Web | Kode | Tel. | .am | AM | 374 | |
Armenië (in t Armeens: Հայաստան (Hayastan), offisjeel de Reppubliek Armenië (Հայաստանի Հանրապետություն, Hayastani Hanrapetut’yun), is een boargachtig laand in et zuden van de Kaukasus. De VN rekkent Armenië bie West Azië. Et ligt op et oosten van Turkije, op et zuden van Georgië, op et westen van de de fakto onofhaankelike Reppubliek Nagorno-Karabak en Azerbeidjan, en op et noorden van Iran en de Azerbeidjaanse Autonome Reppubliek Naksjivan.
Armenië is een demokraties laand met ne kultureel verleden wat nen onmeundigen eande wierumme geet. Tusken 500 en 600 vuur Kristus wör al et Satrapendom van Armenië stichtet noa de val van Oerartoe. In et eerste joarhoonderd vuur Kristus köm Armenië op zin heugtepeunt van macht oonder Tigranes den Groten. Armenië was et eerste laand wat et Kristendom as stoatsgeleuf annöm[1] tusken et 3e en et 4e joarhoonderd (offisjeel 301),[2] Eskatte doatums ligt tusken de 284 en 314. Der was een Armeens preensdom en later keuninkriek met den naam Silisies Armenië an de Middellaandse Zee tusken et 11e en 14de joarhoonderd
Tusken et 16de en 19e joarhoonderd kömmen Oost- en West-Armenië wesselend oonder et Ottomaanse en Parziese Riek. Tegen 1850 wör et oosten van Armenië in enömmen duur Ruslaand, terwiel as et westen nog aait oonder de Parzen völ. Tiedens den Eersten Wearldoorlog wörden de Armeniërs oonder de Ottomanen stelselmoatig oet emoordt in de Armeense Volkermoord. Noa 600 joar stoatloosheid kregen de Armeniërs onofhaankelikheid in 1918, mer de Eerste Reppubliek Armenië wör in 1920 al bezat duur de Sovjet-Unie. Det doerden töt 1991.
De Reppubliek Armenië rekkent de Armeense Apostoliese Koarke as et stoatsgeleuf, mer heuld stoatszaken wal lös van koarkenzaken<[3] De Armeense sproake wörd in een uniek Armeens skrift daleskrewen. Et wör bedacht duur Mesrop Mashtots in 405.
Armenië is lid van de Euraziatiese Ekonomiese Unie, den Europesen Road en de Organisasie vuur Gedeelde Zekerheid. Et laand erkeant de onofhaankelike reppubliek Nagorno-Karabak.
Wellen
[bewark | bronkode bewarken]- ↑ Garsoïan Nina. "Armenian People from Ancient to Modern Times". red. R.G. Hovannisian. Palgrave Macmillan, 1997. Volume 1, blz. 81.
- ↑ René Grousset. Histoire de l'Arménie.Payot, 1947. Druk: 1984. blz. 122.
- ↑ President.am. The Constitution of the Republic of Armenia, Article 8.1. Bekekken: 2010-12-30.