Australië
Australië, offisieel t Gemenebest van Australië, is n laand op t zudelik halfrond dat besteet oet et grootste stukke laand van t Australiese wealddeel en wieters oet t eilaand Tasmanië en nen besten trop kleinere eilaanden in de Indiese en Grote oceanen. Naoberlaanden bunt Indonesië, Oost-Timor en Papoea Ni'j Guinea in t noarden, de Solomon Eilanden, Vanuatu en Ni'j Kalledonië in t noardoosten en Ni'j-Zeelaand in t zuudoosten.
In et laand wont zo'n 22 miljoen leu, de meesten in de grote staeden kort bi'j zee. De heufdstad is Canberra. Sydney is de greutste stad van t laand. 't Eilaand Tasmanië, ten zuudoosten van t Australiese kontinent, is ontdekt deur den Grunninger Abel Tasman.
Veurdat Europeanen in t laand gingen wonnen op t ende van de 18e eeuwe, wonden der al zon 40000 joar leu, eursprönkelike Australiërs (Australian Aborigenes), dee't bi'j mekare zo'n 250 verskillende sproaken hadden.