卡拉OK
(由唱K跳轉過嚟)
卡拉OK（日文：カラオケ，原寫法係からオケ或空オケ，意思係指無人樂隊）係一種源自日本嘅娛樂性質唱歌活動，通常係喺播放預錄喺錄影帶之類儲存媒體度、無主唱人聲嘅音樂伴奏同時，喺電視螢幕上同步播放有節拍提示嘅歌詞，然後畀人睇住歌詞同揸住支咪唱歌。自從1971年時井上大佑發明咗最早嘅音樂伴唱帶之後，佢已經成為現今最受歡迎嘅大眾休閒娛樂方式之一。
簡介
[編輯]卡拉OK嘅名源自於日文，其中卡拉（カラ／旮旯）係「空」（空無）嘅意思，OK（オケ）就係管弦樂團（オーケストラ）嘅簡稱，合埋嘅意思指唱歌嗰陣無真正嘅樂隊伴唱，得影音伴唱。
史
[編輯]1970年代
[編輯]1971年，日本神戶市嘅音樂家井上大佑發明咗第一部卡拉OK機器[1]。
1990年代
[編輯]卡拉OK面世之後，由於卡拉OK器材同伴唱器材嘅商業化，同埋歌曲著作權等問題嘅阻礙，沉寂咗好長時間，重未普及起來，而井上大佑亦未有因發明卡拉OK得到專利權而獲利。
1980年代中後期，有選曲功能嘅CD音響儲存形式同VCD影音存儲形式嘅成熟，取代錄音錄影帶嘅捲帶搜索功能，卡拉OK先可以得到實質性發展。
喺日本大規模流行之後，好快，卡拉OK亦喺1989年傳到東亞同埋東南亞，跟住傳到世界各地。
卡拉OK嘅發展普及，有賴於字幕VCD嘅大量生產。VCD生產線同技術當時由日本壟斷。簡體中文嘅卡拉OK用VCD碟嘅生產基地集中喺港台同大陸華南地區嘅合資工廠。
1989年中國大陸因反對資產階級自由化，卡拉OK器材同字幕VCD碟嘅生產同進口，受到嚴格限制。嗰年6月開始，中國面臨全世界經濟制裁，進口停頓。1990年下半年開始，形勢逐漸改善。1991年之後，卡拉OK喺大陸先至有迅速發展嘅機會。
參考
[編輯]- ↑ Who Invented the Karaoke Machine? 互聯網檔案館嘅歸檔，歸檔日期2008年3月5號，. Events-in-Music.com
