Barometer

Barometer

Subklas van	meteorologiese instrument, manometer
Ontdek deur	Evangelista Torricelli
Ontdekkingsdatum	1643
Meet	lugdruk

Skets van 'n kwikbarometer

'n Aneroïedbarometer

'n Barometer is 'n toestel waarmee lugdruk gemeet word. Daar is verskillende tipes barometers, soos die waterbarometer, aneroïedbarometer en die kwikbarometer.

Die eerste barometer is gemaak deur kwik in 'n glasbuis te plaas en dit dan in 'n bak om te keer. Dié barometer is deur die Italiaanse wiskundige Evangelista Torricelli in 1643 uitgevind.

Barometers word ook gebruik om hoogte te meet, soos die hoogte van 'n berg. Barometers word veral in die moderne lugvaart ingespan en word ook dikwels aan boord van warmlugballonne gebruik.

Mynwerkers gebruik dit soms om die diepte van 'n myn te bepaal. Die mees algemene gebruik is egter om lugdruk te meet. Dit help weerkundiges om die weer te voorspel, omrede 'n verandering in lugdruk 'n verandering in die weertoestand tot gevolg het.

Verdere leesstof

• Burch, David F. The Barometer Handbook; a modern look at barometers and applications of barometric pressure. Seattle: Starpath Publications (2009), ISBN 978-0-914025-12-2.
• Middleton, W. E. Knowles. (1964). The history of the barometer. Baltimore: Johns Hopkins Press. New edition (2002), ISBN 0-8018-7154-9.