Tuna
| Tuna | |
|---|---|
| |
| Geelvintuna, Thunnus albacares | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Suborde: | |
| Familie: | |
| Genus: | South, 1845
|
| Spesies | |
|
Verskeie – sien teks. | |
Tuna is die naam vir 'n verskeidenheid spesies roofvisse wat in die see voorkom, in die familie Scombridae, hoofsaaklik van die genus Thunnus. Tunas is groot en besonder vinnige seevisse.
Die meeste hou in veral tropiese gebiede, waar hulle vlak onder die oppervlak hul voedsel verkry. Tunas behoort tot die orde Perciformes, die suborde Scombroidei en is saam met die makriele lede van die familie Scombridae. Die tunas is groot visse en sommige kan tot 3,3 m lank word, met 'n massa van tot 800 kg.
Die diere trek baie rond, maar hulle hou gewoonlik naby die oppervlak of in kuswaters, waar hulle hoofsaaklik vis, skaaldiere, seekatte en ander diere eet. Die visse kan tot selfs 75 km/h swem, want hul liggame is uiters vaartbelyn, terwyl die romp en vinne sterk gespierd is.
Sommige spesies se borsvinne kan in 'n holte in die romp versink vir selfs beter vaartbelyning. Die kieue is besonder groot omdat die diere 'n baie groot suurstofbehoefte het. Die vleis is kenmerkend rooi vanweë die baie bloedvate, terwyl die bloed 'n hoë hemoglobieninhoud het. Die bloedvatstelsel onder die vel is baie goed ontwikkel, wat die tunas daartoe in staat stel om 'n konstante hoë liggaamstemperatuur te handhaaf. Makriele is oor die algemeen kleiner as tunas.
Spesies
[wysig | wysig bron]Daar bestaan agt spesies:
- Thunnus alalunga (Bonnaterre, 1788) – Albakoor.
- Thunnus albacares (Bonnaterre, 1788) – Geelvintuna.
- Thunnus atlanticus (Lesson, 1831).
- Thunnus maccoyii (Castelnau, 1872) – Suidelike blouvin-tuna.
- Thunnus obesus (Lowe, 1839) – Grootoog-tuna.
- Thunnus orientalis (Temminck & Schlegel, 1844).
- Thunnus thynnus (Linnaeus, 1758) – Blouvin-tuna.
- Thunnus tonggol (Bleeker, 1851).
Sien ook
[wysig | wysig bron]- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bronnelys
[wysig | wysig bron]- Wêreldspektrum, 1982, ISBN 0908409680, volume 27, bl. 167, 168
