Dr Thomas Wright Waller, besser bekannt as Fats Waller (* 21. Mai1904 in Harlem, Nöi York; † 15. Dezämber1943 im Santa-Fé-Express in dr Nööchi vo Kansas City an ere Lungenentzündig) isch e bekannte Dschääspianist, Organist, Komponist und Dschäässänger gsi. Dr Waller het e groossi Bedütig in dr Entwigglig vom früeje Dschääs vo de 1920er Joor zum Swing vo de 1930er und 1940er ghaa und het dr Stride-Piano-Stiil zu äim vo de maassgääblige Klavierstiil vom Swing gmacht. Si Bänd, Fats Waller and His Rhythm, wo u. a. dr Al Casey, dr Herman Autrey und dr Harry Dial drbii gsi si, isch äini vo de beste chliine Swing-Bänds gsi. Dr Waller het mit iire und andere Bänds Blatte ufgnoo. As Entertainer mit sine lustige Liederteggst het men en im ganze Land uf em Radio chönne ghööre. Er het in drei Hollywoodmiusikl mitgschafft und 1942 het er e Konzärt in dr Carnegie Hall in Nöi York gee.
Ed Kirkeby: Ain't Misbehavin´ - The Story of Fats Waller. New York, Dood, Mead & Comp., 1966 (Da capo Press, 1975)
Maurice Waller und Anthony Calabrese: Fats Waller. New York, Schirmer Books, 1977
Studs Terkel: Giganten des Jazz. Zweitausendeins, Frankfurt 2005 ISBN 3-86150-723-4
Jürg Schatzmann & Hannes Binder: Ain't Misbehavin´ - Geschichten und Bilder aus dem Leben des legendären Jazzpianisten Fats Waller. Ravensburg. Otto Maier Verlag 1981 ISBN 3-473-35061-3
Joel Vance: Fats Waller - His Life and Times. Chicago, Contemporary Books, Inc. 1977
Commons: Fats Waller – Sammlig vo Multimediadateie