Tornado
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un tornado (d'o latín tornare, chirar) ye una fura, periglosa y rotatoria columna d'aire que se troba en contacto tanto con a superficie d'a tierra como con un cumulonimbus u, rarament, con a base d'un cumulus. Os tornados presentan midas diversas pero a ormino en forma d'envasador de condensación visible, o cabo estreito d'o cual a sobén ye rodeyato por una boira de vasuera y polvo.
Gran parti d'os tornados gosan tener vientos d'entre os 64 km/h y 177 km/h, miden alto u baixo bels 75 metros d'amplaria y recorren bels cuantos kilometros antis de disipar-sen. Manimenos, s'han gosato rechistrar tornados con vientos de mas de 480 km/h, con 1,6 km d'amplaria, y que han recorrito mas de 100 km.[1][2][3]
Encara que s'han observato tornados en toz os continents, de fueras de l'Antarctida, a mayoría d'éls se producen en os Estaus Unius.[4] Tamién son habituals en o sud de Canadá, en o centro-sud e este d'Asia, en Filipinas, en o centro-este de Suramerica, en l'Africa Austral, a lo norueste y sudeste d'Europa y en l'ueste y sudeste d'Australia y Nueva Zelanda.
Tornados en Aragón
[editar | modificar o codigo]A provincia de Teruel y o sudeste d'a provincia de Zaragoza representan a zona d'a Peninsula Iberica con mayor risgo de tornados. En chulio de 1748 se produció un tornado de grant mida en Val d'Algorfa y inspiró a historia d'o romancero aragonés La sierpe de Valdealgorfa. Entre esta localidat y Alcanyiz se'n documentoron dos tornados en a primera decada d'o sieglo XXI en unas semanas en as que tamién se'n facioron beluns en Catalunya. En l'anyo 1948 u 1949 n'i habió un en Calanda y os calandins deciban que se fació un envasador en o cielo. Atros tornados han estato os de Uellos Negros, (1986), Mosqueruela, (1992 y 1999), Fortanet, (1999) y Corbalán, (2004).
Estos tornados se troban asociatos a pedregatas con piedra de mida considerable y se deben a un escalfamiento gran en verano, que facilita a formación de supercelulas, con cumulo-nimbus y tronatas de gran mida y intensidat. En l'interior se troban masas mayors d'aire en rotación, ditas mesociclons, a on naixen os tornados. O mesociclón que caracteriza a la supercelula se forma cuan una masa d'aire con vorticilidat u revolbín horizontal entra en a corrient puyant y li trasmite rotación.
Bibliografía
[editar | modificar o codigo]- (en) Bluestein, Howard B.Tornado Alley: Monster Storms of the Great Plains, Oxford University Press, Nueva York, 1999. ISBN 0-19-510552-4.
- (en) Bradford,Marlene. Scanning the Skies: a History of Tornado Forecasting. University of Oklahoma Press, Norman, OK. 2001. ISBN 0-8061-3302-3.
- (en) Grazulis, Thomas P. Significant Tornadoes Update, 1992–1995. Environmental Films,St. Johnsbury. 1997. ISBN 1-879362-04-X.
Referencias
[editar | modificar o codigo]- ↑ Doppler On Wheels http://cswr.org/ Center for Severe Weather Research 2006
- ↑ Hallam Nebraska Tornado Omaha/Valley, NE Weather Forecast Office
- ↑ The Online Tornado FAQ. Edwards, Roger. Storm Prediction Center
- ↑ Tornado Alley, USA. Perkins, Sid. Science News
Vinclos externos
[editar | modificar o codigo]
Se veigan as imáchens de Commons sobre os Tornados.- (ca) Os tornados.
- (en) Pachina con información d'a esferra d'os tornados d'EEUU y normas de seguridat.
