Alfonso Daniel Rodríguez Castelao
Afonso Daniel Manuel Rodríguez Castelao o Castelao (30 de xineru de 1886, Rianxo – 7 de xineru de 1950, Buenos Aires) foi un escritor español en llingua gallega, ún de los fundadores del nacionalismu gallegu, intelectual comprometíu cola tierra gallega y col so país. Estudió Medicina, pero dicía: "Fícime médicu por amor a mio padre; nun exerzo la profesión por amor a la humanidá".
Fíu de Manuel Rodríguez Dios, marineru, y de Joaquina Castelao Genme. Castelao emigró a Arxentina a los tres meses del nacimientu de Daniel, nel pasu 1895 emigró con so madre pa dir ver a so padre en Bernasconi, na Pampa, ellí residió hasta 1900 y, según el mesmu cuntaba, descubrió'l valor de la caricatura lleendo Caras y Caretas. Durante los años qu' estudiaba Medicina na Universidá de Santiago de Compostela tamién afonda'l so interés pol diseñu y la pintura, n'especial pola caricatura. En 1908 espón los sos diseños en Madrid y entama a collaborar cola revista Vida Galega. Ente 1909 y 1910 fai un cursu de doctoráu en Madrid y participa na III Exposición Nacional d'Humoristes, collabora como ilustrador en El Cuento Semanal. En 1910 especialízase n'obstreticia y, al acabar, instálase en Rianxo,, tiempu nel que collaboró na fundación del hebdomadariu El Barbero Municipal (1910-1914), nel qu'escribi atacando'l rexime caciquil gallegu, participa de la política llocal dientro del Partido Conservador local nuna llinia maurista. Imparte la so primera conferencia en marzu de 1911, en Vigo, falando de la caricatura. Nos dos años siguientes fai exposiciones de les sos caricatures en delles ciudades de Galicia. En 1912 participa del movimientu Aición Galega y casa nesti mesmu añu con Virgínia Pereira. Durante esti tiempu collabora con El Liberal, El Gran Bufón, La Ilustración Gallega y Asturiana, Mi Tierra , Suevia, La Voz de Galiza de Buenos Aires, qu'ayudaron a popularizar les sos caricatures. Un desprendimientu de retina déxalu ciegu en 1914, vuelve a recuperar la vista depués d'una operación. En 1915 participa na Exposición de Belles Artes de Madrid, na qu'algama unes crítiques mui favorecedores. En 1916 saca por oposición una plaza na delegación de Pontevedra del Institutu Xeográficu Estadísticu, y nesi añu ye un de los fundadores de l'agrupación llocal de les Irmandades da Fala. Xunto con Vicente Risco, Otero Pedraio y otros fundó la revista Nós, que foi'l pegollu de la vida política y cultural de Galicia ente 1920 y 1936. En 1926 nomáronlu académicu de númberu de la Real Academia Galega. En 1931 salió diputáu pola Organización Republicana Galega Autónoma (ORGA) nes cortes constituyentes de la Segunda República, participó nel nacimientu del Partido Galeguista. Desteráronlu a Badajoz en 1934, nel tiempu que tuvo n'Estremadura escribió p'A Nosa Terra dellos artículos col subtítulu de Verbas de chumbo que tiempu depués s'integraríen en Sempre en Galicia. En 1936 salió nuevamente escoyíu diputáu del Frente Popular. Protagonizando la campaña pol sí al Estatutu d'Autonomía de Galicia, aprobáu en consulta popular pola sociedá gallega en 1936. Nel momentu del "Alzamiento Nacional" taba en Madrid. Exiliándose en Méxicu, Nueva York y, finalmente, Buenos Aires. Participó nel gobiernu republicanu nel exiliu presidíu por Giral (1946).
Polifacéticu novelista, diseñador, caricaturista, pintor, teóricu del arte y políticu, siempres reflexó na so obra'l so compromisu col galleguismu y col mundiu. Durante l'exiliu franquista, asoleya nel añu 1944 la obra Sempre en Galiza, obra capital del nacionalismu gallegu, y conviértese nel primer presidente del Conceyu de Galicia, el gobiernu del país nel exiliu. Los sos restos mortales foron repatriaos y llevaos al Panteón de Gallegos Illustres en 1984 en mediu de manifestaciones nacionalistes qu'acusaben a les autoridaes de que "los que lu exiliaron faen-y agora honores".
Los dos diseños, complementaos con testus agudos, enseñen la Galicia rural, el caciquismu, los probes, los ciegos, los desamparaos, la sociedá que sofre, too ello dende una visión realista crítica pero humorística, nel álbúm "Nós" (1931) compiló diseños fechos ente 1916 y 1918. Nos últimos álbunes tienen sitiu los horrores de la Guerra Civil.
Inicióse na narrativa cola coleición de rellatos curtios Un ollo de vidro en 1922. En Cousas, Retrincos y Os dous de sempre, afita un conxuntu únicu na narrativa gallega que tien como obra cimera la coleición d'ensayos Sempre em Galiza, axuntando lliteratura, política y teoría del galleguismu. La so visión lliteraria intenta desmitificar los tópicos costumistes con un humor sarcásticu y, que de xemes en cuando, esperpénticu.
Dedicóse-y el segundu Día das Letras Galegas, en 1964.
Obra
[editar | editar la fonte]- Cego da romería (1913)
- Un ollo de vidro. Memorias dun esquelete (1922)
- Os cruceiros de pedra na Galiza
- Cousas (1926,1929)
- Cincoenta homes por dez reás (1930)
- Os dous de sempre (1934)
- Retrincos (1934)
- Galiza Mártir (1937)
- Atila en Galicia (1937)
- Milicianos (1938)
- Sempre en Galiza (1944)
- Os vellos non deben de namorarse (representada en 1941, asoleyada en 1953)
Referencies
[editar | editar la fonte]- ↑ 1,0 1,1 URL de la referencia: http://www.congreso.es/portal/page/portal/Congreso/Congreso/Iniciativas?_piref73_2148295_73_1335437_1335437.next_page=/wc/servidorCGI&CMD=VERLST&BASE=DIPH&FMT=DIPHXD1S.fmt&DOCS=2-2&DOCORDER=FIFO&OPDEF=Y&NUM1=&DES1=&QUERY=%2897420%29.NDIP.. Data de consulta: 20 xineru 2020.
- ↑ Afirmao en: SNAC. Identificador SNAC Ark: w6058z05. Apaez como: Alfonso Daniel Rodríguez Castelao. Data de consulta: 9 ochobre 2017. Llingua de la obra o nome: inglés.
- ↑ Afirmao en: Benezit Dictionary of Artists. Identificador Benezit: B00154390. Apaez como: Alfonso Rodríguez Castelao. Data de consulta: 9 ochobre 2017. Llingua de la obra o nome: inglés. Data d'espublización: 2006. Editorial: Oxford University Press.
- ↑ URL de la referencia: https://academia.gal/letras-galegas/1964/daniel-rodriguez-castelao.
- ↑ URL de la referencia: https://academia.gal/membro/-/membro/alfonso-daniel-rodriguez-castelao.
Enllaces esternos
[editar | editar la fonte]- Muséu Castelao Archiváu 2014-01-04 en Wayback Machine
- Castelao na Rede
- Fundación Castelao Archiváu 2014-08-22 en Wayback Machine
- Videu de los restos de Castelao en Galicia (Bonaval- Compostela)
Ver tamién
[editar | editar la fonte]| Control d'autoridaes |
|
|---|
Datos: Q736924
Multimedia: Alfonso Daniel Rodríguez Castelao
Cites famoses: Castelao