Númberu d'Avogadro

Númberu d'Avogadro
constante física (es) , magnitú adimensional, enteru positivu y númberu par

El Númberu d'Avogadro (símbolu N_A) ye la cantidá d'entidaes elementales –átomos, molécules, iones, electrones, o otres partícules o grupos específicos d'éstes– esistentes nun mol de cualquier sustancia. Ye entós, según la definición que güei se tien de mol, el númberu d'átomos qu'hai en 12 gramos de carbonu-12.

La meyor estimación d'esti númberu ye:

$N_{A}=(6,022\,141\,79\pm 3\cdot 10^{-7})\cdot 10^{23}\;{mol}^{-1}$

El númberu d'Avogadro tamién yel fautor de conversión entrel gramu y la unidá de masa atómica (uma): 1 g = $N_{A}$ uma. La teoría cinética de los gases recibió la so confirmación definitiva cuando pudo calculase'l númberu de molécules esistentes nun volume dau de gas.

El númberu d'Avogadro ye tan grande que difícilmente pue concebise, anque dellos exemplos puen danos cuenta de lo xigante de la so magnitú:

• Tol volume de la Lluna dividíu en boles de 1 mm de radiu daría, cuasi, el $N_{A}$.
• $N_{A}$ neurones habría al sumar 100 veces les de tolos humanos qu'había na Tierra nel añu 2000.
• Tardaríase cuasi 20.000.000.000 d'años en contar $N_{A}$ partícules a razón d'un millón per segundu.

Exemplu

• ¿Cuántos átomos hai en 170 gramos de fierro? Masa atómica del fierro= 55,845.

Pola regla de tres simple calculamos cuántos átomos de fierro hai en 170 gramos:

${\begin{matrix}55,845\;gramos\;de\;hierro&\longrightarrow &1\;mol=6,022\cdot 10^{23}\;particulas\\170\;gramos&\longrightarrow &x\end{matrix}}$

que despexando x, tenemos:

$x={\frac {6,022\cdot 10^{23}\cdot 170\;gramos}{55,845\;gramos}}$

que da como resultáu:

$x=1,83318\cdot 10^{24}$

átomos de fierro en 170 gramos d'esti elementu.

• ¿Cuántos gramos pesa un átomu d'oxíxenu? Masa atómica del oxíxenu = 15,9994g/mol.

Pola regla de tres tenemos que:

${\begin{matrix}1\;mol=6,022\cdot 10^{23}\;{\acute {a}}tomos&\longrightarrow &15,9994\;gramos\;de\;oxigeno\\1\;{\acute {a}}tomo&\longrightarrow &x\;gramos\end{matrix}}$

despexando x:

$x={\frac {15,9994\;gramos\;de\;oxigeno\cdot 1\;{\acute {a}}tomo}{6,022\cdot 10^{23}\;{\acute {a}}tomos}}$

feches les operaciones da como resultáu:

$x=2,65682\cdot 10^{-23}\;gramos$

Que ye'l pesu en gramos d'un solu átomu d'oxíxenu.

Ver tamién

• Mol
• Volume molar
• Unidá de masa atómica

Enllaces esternos

• Wikimedia Commons tien conteníu multimedia tocante a Númberu d'Avogadro.

• Datos: Q69189081
• Multimedia: Avogadro's number