Rexón de Murcia

Rexón de Murcia
Bandera de la Rexón de Murcia	Escudu de la Rexón de Murcia
Alministración
País	España
ISO 3166-2	ES-MC
Tipu d'entidá	comunidá autónoma
Capital	Ciudad de Murcia (es)
Llista de presidentes de Murcia	Fernando López Miras
Nome llocal	Región de Murcia (es)
División	ver Murcia y provincia de Murcia (es) ;
Xeografía
Coordenaes	38°00′N 1°50′W / 38°N 1.83°O
Superficie	11313 km²
Llenda con	Comunidá Valenciana, Andalucía y Castiella-La Mancha
Puntu más altu	Macizo de Revolcadores (es)
Altitú media	348 m
Demografía
Población	1 518 486 hab. (2021)
Densidá	134,22 hab/km²
Xentiliciu	murcianu (masculín singular); murciana (femenín singular); murciano (xéneru neutru); murcianes (femenín plural); murcianos (masculín plural)
Representación parllamentaria
Congresu	10 escaños
Senáu	4 escaños
Más información
Estatutu d'autonomía	9 de xunu de 1982
Estaya horaria	UTC+01:00 y UTC+02:00
Fundación	1982
	carm.es

La Rexón de Murcia ye una Comunidá Autónoma uniprovincial d'España. Asitiada nel sureste de la Península Ibérica, llenda con Castiella-La Mancha (provincia d'Albacete), Andalucía (provincies de Granada y Almería, Comunidá Valenciana (provincia d'Alicante) y el mar Mediterraneu. La so capital ye la ciudá de Murcia, que ye la sede de tolos muérganos institucionales rexonales sacante l'Asamblea Rexonal (parllamentu), que tien la so sé en Cartagena. La so población total ye de 1 518 486 hab. (2021)^[2]^[3], lo que fai d'ella la séptima provincia más poblada d'España. Cásique un terciu de la so población vive na capital, y la metá d'ella ente les ciudaes de Murcia, Cartagena y Lorca.

La rexón ye una de les mayores productores de fruta, verdura y flores d'Europa, y tien tamién importantes estensiones de vides nos conceyos de Jumilla, Bullas y Yecla, que producen vinos con denominación d'orixe. Tien tamién un sector turísticu importante, concentráu na so costa, na que conviven sectores perdeterioraos, como la rodiada de la llaguna salada nomada Mar Menor, con otros cuasi vírxenes. Nel sector industrial destaquen les industries petroquímiques y d'enerxía (concentraes en Cartagena) y l'alimentaria. El puntu cimeru de la comunidá ta nel Macizu de Revolcadores (2.015 m sobro'l nivel de la mar).

Nel so bayurosu patrimoniu artísticu y cultural rescamplen los 72 xacimientos d'arte rupestre del arcu mediterraneu de la Península Ibérica, declaraos Patrimoniu de la Humanidá pola UNESCO, y tamién el Conseyu d'Homes Buenos de la Güerta de Murciu, declaráu Patrimoniu Cultural Inmaterial de la Humanidá como exemplu de tribunal consuetudinariu de regantes del Mediterraneu español. Tamién s'alcuentra na rexón el santuariu de Caravaca de la Cruz, llugar de peregrinación de primer orde pa los fieles de la Ilesia católica por tener el privilexu de celebrar Añu Xubilar a perpetuidá cada siete años alrodiu de la devoción a la Vera Cruz de Caravaca.

Murcia ye una rexón histórica del sureste español, la heriede del antiguu Reinu de Murcia, que tradicionalmente articulábase como una rexón biprovincial que comprendía les provincies d'Albacete y Murcia. La primera pasó, demientres la Transición, a integrase na nueva comunidá autónoma de Castiella-La Mancha.

Referencies

↑ ^1,0 ^1,1 ^1,2 ^1,3 ^1,4 «Diccionariu de la Llingua Asturiana» (asturianu) (15 avientu 2000). Consultáu'l 15 payares 2022.
↑ «Institutu Nacional d'Estadística». Institutu Nacional d'Estadística.
↑ estimación

Enllaces esternos

Portal oficial de la Rexón de Murcia.

[93e0ce8181fe61d9a06aef74d85202f96bb540fb-1] 1,0 ^1,1 ^1,2 ^1,3 ^1,4 «Diccionariu de la Llingua Asturiana» (asturianu) (15 avientu 2000). Consultáu'l 15 payares 2022.

[b13bdc4093ff9d705f465fc615b74ad0d207371e-2] «Institutu Nacional d'Estadística». Institutu Nacional d'Estadística.

[3] stimación

[1]

[2]

[3]

v a e Autonomíes d'España
Comunidaes autónomes	Andalucía Aragón Principáu d'Asturies Islles Baleares Canaries Cantabria Castiella-La Mancha Castiella y Lleón Cataluña Comunidá Valenciana Estremadura Galicia Comunidá de Madrid Rexón de Murcia Comunidá Foral de Navarra País Vascu La Rioxa
Ciudades autónomes	Ceuta Melilla
España · Europa

Referencies

Enllaces esternos

pFad - (p)hone/(F)rame/(a)nonymizer/(d)eclutterfier! Saves Data!