Schottland

	Woispruch: „Nemo me impune lacessit“ (latein); („Neamd roazt mi ungstroft“)
Amtssprache	Englisch, Schottisch-Gälisch, Scots
Hauptstadt	Edinburg
Staatsoberhaupt	König Charles III.; Minister für Schottland Alister Jack
Regierungschef	Easchte Ministarin Nicola Sturgeon
Fläche	77.910 km²
Einwohnerzahl	5.347.600 (20141)
Bevölkerungsdichte	69 Einwohner pro km²
Bruttoinlandsprodukt	$ 235 Mrd. (Schätzung 2013)
Bruttoinlandsprodukt pro Einwohner	$ 44.378 (Schätzung 2013)
Währung	Pfund Sterling
Unabhängigkeit	843
Zeitzone	UTC±0, Summazeit: UTC +1
Internet-TLD	. sco (voagschlong),. uk,. gb (ungnutzt)
Telefonvorwahl	+44
	1 General Register Office for Scotland
	Lag vo Schottland innahoib vom Vaeinigten Kenigreich Lag vo Schottland innahoib vom Vaeinigten Kenigreich

Der Artikl is im Dialekt Obaboarisch gschriem worn.

Schottland (gälisch: Alba, scots: Scotland, lateinisch-keltisch: Caledonia) is a Land im Noadwestn vo Eiropa und a Landestei vom Vaeinigtn Kinireich. Schottland bestähd ausm neadlichn Tei vo da greßtn eiropäischn Insl Großbritannien und mehran Inslgruppm. De Haptstod und zwoatgreßte Stod is Edinburg mit 492.680 Eihwohna, oba de greßte Stod is Glasgow mit 599.650 Eihwohna (2014).

Gschicht

Schottland woa bis zum 1. Mai 1707 unobhängig und is nacha mitm Kinireich England varoanigd woan. Oba im Joa 1746 hod da "Bonnie Prince Charlie" Stuart (dea wo eigntli da schottischa Thronfoiga gwesn is) probiat, dass a de Unobhängigkeit vo Schottland zruckgwinnt. Hod a olladings ned gschafft, sondan is am 16. Aprü 1746 bei Culloden vo de Englanda gschlong woarn und dann af Italien gflohn. In de letzdn Joa san Schritte zu mehr Autonomie gmacht wordn.

Eadkund

Übersichtskarte Schottlands
*(→Topografische Kortn)*

Schottland umfosst s neadliche Drittl vo da Insl Großbritannien. De Flächn betrogt 78.772 km². Es grenzt im Sidn zwischn am Solway Firth im Westn und am Fluss Tweed an da Ostküstn auf 96 km an England. Es teit si in drei geografische Regionen af: de Highlands, de Central Lowlands und de Southern Uplands. Da häxde Beag vo Schottland (und ganz Großbritanniens) is da Ben Nevis bei Fort William. Er gheat zu de sogenanntn Munros.

Schottland westli vorglagad is de Inslgruppm vo de Hebriden, wo deitle trennt san in de Gruppm vo de Innan und Aißan Hebriden. Neadle vo Schottland lieng de Inslgruppm vo de Orkney-Inseln und deitle weida entfernt de Shetland-Inseln.

Bevejkarungsschwerpunkt is da Central Belt zwischn Edinburgh und Glasgow.

Städt

Stod (Gälischee Nama in Klamman)	Eihwohna 5. Aprui 1991	Eihwohna 29. Aprui 2001	Eihwohna 2006/2007
Glasgow (Glaschu)	658.379	629.501	580.690
Edinburg (Dùn Èideann)	400.632	430.082	463.510
Aberdeen (Obar Dhèathain)	182.133	184.788	183.467
Dundee (Dùn Dè, Dùn Dèagh)	157.808	154.674	175.000
Paisley (Paislig)	73.925	74.170	74.048
East Kilbride (Cille Bhrìghde an Ear)	70.579	73.796	81.000
Inverness (Inbhir Nis)	50.000	55.000	46.110
Hamilton (Hamaltan)	49.988	48.546	49.267
Cumbernauld (Comainn nan Allt)	49.507	49.664	49.541
Greenock (Grianaig)	49.267	45.467	47.367

Politik

1999 hot Schottland sei eigans Parlament griagt, zan easchtn Moi seit da Vaeinigung mit England im Joar 1707. Des Parlament, da Easchte Minista (vagleichbor mitn Ministapresidentn in Bayern und mit de Landeshaptleit in Östareich) und des Kabinett san fia de meistn innenpolitischn Afgobm zuaständig. Da Amtssitz vo dena Institutionen is Edinburg.

De Legislative Gwoit liegt neman schottischn Parlament weida aa ban Parlament vom Vaeinigten Kinireich in Westminster. De Entscheidunga vom schottischn Parlament kena sogor iwastimmt wean.

De Rechtsordung vo Schottland is a weng andas ois wia des englische Recht und hod mehra Änlichkeit mit de Rechtsordnungen vo Kontinentaleiropa. Aa de Gerichts- und Vawoitungsorganisation is a bissl andas ois wia de englische.

Easchte Minister vo Schottland

Donald Dewar (Labour)	1999–2000
Henry McLeish (Labour)	2000–2001
Jack McConnell (Labour)	2001–2007
Alex Salmond (SNP)	2007–2014
Nicola Sturgeon (SNP)	2014–

Strebn noch Unobhängigkeit

Schottland is 1707 durch an Act of Union 1707 mit England zum Kinireich Großbritannien vaeinigt woan. Es gibt scho imma politische Kräfte, wo wieda a Unobhängigkeit ostrebm. In de letztn Joar san de Kräfte stärka woan, wos scho zu mea Autonomie gfiat hod. Seit de letztn schottischn Parlamentswoin 2021 wead de Regierung vo da Scottish National Party gstejt, wo fia de Unobhängigkeit eintritt und a Referendum dazua ostrebt. De SNP hod 63 vo 129 Sitzn im Parlament. De Opposition lehnt a Referendum ob.^[1]

Sproch

In Schottland wean drei Sprochn gredt: Englisch, Scots (a schottisch-englischa Dialekt, aa Lallans) und Gälisch (englisch: Gaelic; Eignbezeichnung: Gàidhlig [ˈgɑːlik])

Fast olle Schottn redn Standardenglisch. S Mejdeamt nimmt o, dass 30% vo da Bevejkarung danebm fließend Scots (Schottisch) sprechn. A weng meah wia 1% vo da Bevejkarung gebm ois Muaddasproch Schottisch-Gälisch o, a kejtische Sproch, wo mitm Irischn vswandt is. Nur af de Aißan Hebriden gibts no a Schottisch-Gälisch sprechende Meahheit.