Boeing 757
Boeing 757 i ma hopal habang marpanumpang sipil na dibahen Boeing Commercial Airplanes. Diulaon do hopal habang nion tu Eastern Airlines dohot British Airways jala diparhaseanghon di taon 1983. Di ari 28 Oktober 2004 do ujung ni panompaon Boeing 757, tagan tinompaon do 1.050 hopal habang tu 54 partobo.
Parsitandaan
[patota | patota mualna]Dibahen Boeing do hopal habang 757 (mulamulana dijou "7N7") asa pasingkop guna ni 767 di sabola na so lalap. Hopal habang nion marnampunahon dungdungon trans-atlantik jala gabe sada panotas ni hopal habang ETOPS-rated ala na boi marhabang timbo dohot dao, jala disingkophon mesin na gogo. Asa lobi ekonomis, bilangan ni panumpangna ditambahon sahat tu 50 gumodang sian 767. Godang do komponen ni 757 na sarupa dohot 767, duansa marnampunahon sertifikasi FAA na sarupa jadi boi do crew-na mandapothon duansa sertifikat holan mangihut sada pangajaran. Na sarupa do diameter ni Fuselage 757 dohot 707, 727 dohot 737. Nunga sitop do panompaon ni 757 di tingki sahat tu bilangan 1000 jala 737-900 do na manggantihonsa nang pe sarupa do dungdungon ni habangna.
757 gabe hopal habang pinarsinta ni maskapai panghabangon na mamorluhon hopal habang na boi marhabang dao, rute kurus, jala rute antar-banua dohot trans-atlantik na mura do argana. Dihalomohon maskapai panghabangon sian iklim na "mohop dohot timbo" songon Kota Meksiko do pe hopal habang nian. Nunga timbo muse arga tigatiga ni 757 tagan sitop do panompaonna. Dung pe di ari 29 Desember 2004, adong do order panompaon 787-8dohot 737-800 na imbaru tarmasuk do pe sampulu hopal habang 737-300 tihas sian Continental Airlines tu Boeing.
757 gabe hopal habang Boeing parjolo na mamangke mesin non-US i ma Rolls-Royce RB211-535. Dilaonlaon ni ari Pratt & Whitney PW2000 ihut dilangohon gabe pillitan.
Ragam
[patota | patota mualna]Adong do dua ragam dasar ni 757 na diparuarhon. 757-200 jumempek jala marnampunahon dungdungon operasi dumao sian 757-300. Seri -100 i ma sada ragam ni 757 do mulana ala i ndang ditompa do hopal habangna.
757-100
[patota | patota mualna]On ma desain mulamula ni 757 na marnampunahon kapasitas 150 bangku jala gabe pangganti ni 727. Ala i, ndang mandapot anture konsumen do hopal habangna jadi so hea ditompaon.
757-200
[patota | patota mualna]757-200 i ma ragam ni 757 na torop ditompaon. Diparuarhon di bagasan rupa hopal habang kargo dohot ragam gabungan panumpang-kargo. Di bulan Pebruari 2018 do panghabangon parjolo ni 757-200. Dungdungon habangna i ma 4.000 nm. Adong do dua crew dohot 192-239 panumpang di bagasan konfigurasi sada manang dua kelas.
757-300
[patota | patota mualna]757-300 i ma ragam ni 757 na diganjanghon asa mamboan gumodang panumpang jala manghuranghon dungdungon habangna. Hopal habang nion i ma hopal habang narrow-body na gumanjang di portibi on. Di bulan Agustus 1996 do panghabangon parjolo ni 757-300. Dungdungon habangna i ma 3.500 nm. Hurang dioloi do hopal habang nian, jadi holan 55 unit do na ditona. Adong do dua crew dohot 239-289 panumpang di bagasan konfigurasi sada manang dua kelas.
Panghaseaon saonari
[patota | patota mualna]Torop do 757 na diparhaseanghon pigapiga maskapai panghabangon di Amerika Serikat tu panghabangon domestik. Adong do pigapiga panghabangon songon Royal Nepal Airlines dohot Icelandair mamangke 757 tu panghabangon internasional nasida. Torop do negara dunia ketiga, 757 gabe pangganti na hasea tu 707. Di mulana i, 757 i ma sada model na sukses ala i di tonga ni taon 1990, na tuat do tigatigaanna. Mulana 757 diparhaseanghon tu panghabangon na dao dohot so lalap. Di tingki lalap do sabolana, digantihon hopal habang na lobi ekonomis do 757. Di panghabangon jarak jempek, hopal habang 737 dohot A320 lobi hasea diparhaseanghon. Di panghabangon ni panumpang tumorop, 737-900 dohot Airbus 321 diparhaseanghon ala na lobi ekonomis.