29 траўня

29 тра́ўня — 150-ы дзень году (149-ы ў невысакосным годзе) паводле Грыгарыянскага календару. Да канца году застаецца 217 дзён.

Падзеі

• 1453 — адбылося падзеньне Канстантынопалю, горад быў захоплены войскамі Асманскай імпэрыі, што засьведчыла канчатковы развал Усходняй Рымскай імпэрыі
• 1792 — завяршыўся Чатырохгадовы Сойм
• 1913 — у парыскім тэатры Елісейскіх Палёў адбылася скандальная прэм’ера балету «Вясна сьвятая»
• 1920 — бальшавікі расстралялі Фабіяна Шантыра, беларускага літаратара і дзяржаўнага дзеяча
• 1942 — амэрыканскі сьпявак Бінг Кросьбі запісаў сынгл-бэстсэлер White Christmas
• 1953 — першае ўзыходжаньне на Эвэрэст шэрпа Тэнцынга Норгэя і навазэляндца Эдмунда Гілары
• 1990 — Барыса Ельцына абралі Старшынём Вярхоўнага Савету РСФСР
• 1992 — у Беларусі паралельна з савецкім рублём уведзеныя ў абарот разьліковыя білеты Нацыянальнага банку Беларусі

Нараджэньні

• 1860 — Ісак Альбэніс, гішпанскі кампазытар
• 1874 — Гільбэрт Кійт Чэстэртан, брытанскі пісьменьнік, журналіст ды літаратуразнаўца
• 1880 — Освальд Шпэнглер, нямецкі філёзаф, гісторык і культуроляг
• 1892 — Альфансіна Сторні, арґентынская паэтка
• 1917 — Джон Фіцджэралд Кенэдзі, 35-ы прэзыдэнт ЗША
• 1933 — Мікола Гайдук, беларускі пісьменьнік
• 1945 — Аляксей Кароль, беларускі журналіст, рэдактар газэты «Новы час»
• 1953 — Аляксандар Абдулаў, савецкі і расейскі актор тэатра і кіно, заслужаны артыст РСФСР, народны артыст Расеі
• 1977 — Сьвятлана Зелянкоўская, беларуская акторка
• 1981 — Андрэй Аршавін, расейскі футбаліст, заслужаны майстар спорту Расеі
• 1982 — Ана Бэатрыс Барас, бразыльская супэрмадэль, найболей вядомая як адзін з анёлаў Victoria's Secret

Сьмерці

• 1259 — Крыстафэр I, кароль Даніі
• 1565 — Мікалай Радзівіл «Чорны», дзяржаўны дзяяч Вялікага княства Літоўскага
• 1861 — Іяхім Лялевель, польскі гісторык, нумізмат, гэральдык, палітычны дзяяч, прафэсар Віленскага і Варшаўскага ўнівэрсытэтаў
• 1868 — Аляксандар Здановіч, беларускі і польскі гісторык, мовазнаўца, пэдагог
• 1875 — Мацей Казімер Валанчэўскі рэлігійны дзяяч, летувіскі пісьменьнік, гісторык, этнограф, асьветнік
• 1958 — Хуан Рамон Хімэнэс, гішпанскі пісьменьнік
• 1986 — Алена Аладава, заслужаная дзяячка мастацтваў БССР, мастацтвазнаўца, дырэктарка Дзяржаўнага мастацкага музэю БССР, заслужаная дзяячка культуры Польшчы
• 2008 — Валянцін Рабцэвіч, беларускі гісторык-нумізмат
• 2011 — Сяргей Багапш, абхаскі палітык, Прэзыдэнт Абхазіі

Сьвяты

• Аргентына — дзень арміі