Свердзел

Све́рдзел — рэжучы інструмент для свідравання.

Звычайна свердзел — стрыжань цыліндрычнай формы, у якім адрозніваюць рабочую частку (рэзальную і калібровачную) і хваставік (цыліндрычны ці канічны). Рэзальную частку робяць з інструментальнай сталі, цвёрдых сплаваў.

Асноўныя тыпы свердзелаў: у металаапрацоўцы — спіральныя (найбольш пашыраныя), з прамымі канаўкамі, пёравыя, цэнтровачныя, шнэкавыя, для глыбокага свідравання (ружжовыя і гарматныя), для кольцавага свідравання; у дрэваапрацоўцы — цыліндрычныя (простыя цэнтравыя, цэнтравыя з падразальнікамі, лыжкавыя) і вінтавыя (спіральныя, шнэкавыя, штопарныя і інш.).

Гл. таксама

• Зенкер
• Свердзел Прэслера

Літаратура

• Беларуская Савецкая Энцыклапедыя. У 12 т. Т. 9. Рабкор — Сочы / Рэдкал.: П. У. Броўка (гал. рэд.) і інш. — Мн.: БелСЭ, 1973. — 640 с.: іл., карты. — С.435—436.

Спасылкі

• На Вікісховішчы ёсць медыяфайлы па тэме Свердзел