Mazda

Mazda
яп.: マツダ株式会社
Тып	вытворца аўтамабіляў[d], публічная кампанія, брэнд і аўтамабільная марка[d]
Лістынг на біржы	Такійская фондавая біржа
Заснаванне	30 студзеня 1920
Заснавальнікі	Jujiro Matsuda[d]
Краіна	Японія
Адрас	Fuchu[d]
Галіна	аўтамабільная прамысловасць
Прадукцыя	рухавік і легкавы аўтамабіль
Абарот	3,83 трлн ¥ (2023)
Аперацыйны прыбытак	142 млрд ¥ (2023)
Чысты прыбытак	143 млрд ¥ (2023)
Актывы	3,26 трлн ¥ (2023)
Колькасць супрацоўнікаў	▲48 750 чал. (2022)
Даччыныя кампаніі	Mazda (United States)[d]
Сайт	mazda.com (англ.)

Mazda Motor Corporation (яп.: マツダ株式会社) — японская аўтамабілебудаўнічая кампанія, якая выпускае аўтамабілі «Mazda». Штаб-кватэра — у Хірасіме.

Гісторыя

Сваю гісторыю фірма вядзе з 1960 года, калі быў выпушчаны першы серыйны легкавы аўтамабіль Mazda R360 Coupe (2-дзверны пасажырскі аўтамабіль). Раней фірма, заснаваная ў 1920 годзе, займалася вытворчасцю станкоў. Сваю назву «Мазда» (Mazda) фірма атрымала ў гонар зараастрыйскага бога Жыцця з імем Ахура-Мазда (ён жа Армазд).

Вытворчыя пляцоўкі

У Японіі

Хірасіма

Завод у Хірасіме функцыянуе з моманту заснавання маркі. Першапачатковы завод з часам быў пераабсталяваны для вытворчасці рухавікоў, у тым ліку ротарных тыпу Ванкеля, і кампанентаў трансмісіі, паколькі пашырэнне вытворчасці аўтамабіляў патрабавала буйнейшых і сучасных магутнасцяў. З гэтай мэтай у 1966 годзе быў пабудаваны новы завод «Уджына-1», да якога ў 1972 годзе дадаўся другі «Уджына-2».

Да 1982 года быў адзінай вытворчай пляцоўкай маркі.

Пачатак дзейнасці	1931
Лакацыя	Акі, прэфектура Хірасіма, Японія
Агульная плошча	1 685 000 кв. м.
Вытворчая магутнасць	569 000 машын у год
Прадукцыя	СХ-30, СХ-5, СХ-8, СХ-9, МХ-30, МХ-5

Хофу

Другі завод маркі быў пабудаваны ў 1981 годзе ў Хофу ў прэфектуры Ямагуты. Вытворчасць складаецца з двух асноўных карпусоў: дзвюх аўтазборачных ліній («H1» і «H2») у раёне Нішынаўра і завода ў суседнім раёне Наканасекі, які вырабляе рухавікі і трансмісіі.

Пачатак дзейнасці	1982
Лакацыя	Хофу, прэфектура Ямагуты, Японія
Агульная плошча	792000 кв. м. у Нішынаўры + 537000 кв. м. у Наканасекі
Колькасць супрацоўнікаў	каля 3000
Вытворчая магутнасць	каля 400 000 машын у год
Прадукцыя	H1: Mazda 2, CX-3 H2: Mazda 6, CX-5

Замежныя

• Mazda Powertrain Manufacturing Thailand (Сірача, правінцыя Чонбуры, Тайланд) — спецыялізуецца на выпуску рухавікоў унутранага згарання, якія пастаўляюцца на іншыя заводы Mazda, размешчаныя ў Тайландзе, Малайзіі і В’етнаме. Быў пабудаваны ў перыяд з 2013 па 2014 год. Вытворчасць пачалася ў студзені 2015 года. Займае агульную плошчу 200 000 квадратных метраў. Вытворчая магутнасць складае 100 тысяч рухавікоў за год.

Спасылкі

• На Вікісховішчы ёсць медыяфайлы па тэме Mazda
• Афіцыйны сайт (англ.)
• Filippo Einaudi. Hiroshima, la "doppia fabbrica" da cui escono tutte le Mazda (італ.). it.motor1.com (29 кастрычніка 2021). Праверана 23 верасня 2022.
• Filippo Einaudi. Hofu, la seconda fabbrica Mazda diventata ultraflessibile (італ.). it.motor1.com (12 красавіка 2022). Праверана 23 верасня 2022.
• Filippo Einaudi. Chonburi, la fabbrica tailandese "green" di motori Mazda Skyactiv (італ.). it.motor1.com (20 снежня 2022). Праверана 20 снежня 2022.