Claudia de' Medici
Claudia de' Medici (Firenze, 04 Even 1604 - Innsbruck, 25 Kerzu 1648) a oa ur briñsez italian, anezhi navet merc'h Ferdinando Iañ de' Medici ha Cristina di Lorena (c'hoar da Gosimo II de' Medici).
E 1621 e oa 17 vloaz ar briñsez pa zimezas da Federico Ubaldo della Rovere, dug Urbino, hervez a oa bet prometet pevar bloaz a-raok. Ur verc'h o doe.
Mervel a reas Federico Ubaldo e 1623 gant ur barr drougsant, ha Claudia a zistroas da Firenze. Eno ez eas an intañvez 19 vloaz d'ur gouent.
Tri bloaz goude, e 1626, ec'h addimezas Claudia da arc'hdug Aostria, Leopold V Aostria-Tirol.
Bugale
[kemmañ | kemmañ ar vammenn]- Gant Federico Ubaldo della Rovere
- Ur verc'h, Vittoria della Rovere, a zimezas diwezhatoc'h gant Ferdinando II de' Medici.
- Gant Leopold V Aostria-Tirol
- Maria Eleonora (1627–1629)
- Ferdinand Karl (1628–1662), arc'hdug Aostria, dug Tirol, dimezet da Anna de' Medici (1616-1676),
- Isabella Clara (1629–1685), arc'hdugez Aostria, dimezet gant Carlo III Gonzaga, dug Mantova (1629–1665),
- Sigismund Franz (1630–1665), arc'hdug Aostria, dug Tirol, dimezet da Hedwig von Pfalz-Sulzbach (1650–1681),
- Maria Leopoldine, arc'hdugez Aostria, (1632–1649), dimezet da Ferdinand III (1608–1657).