Панама

Панама е Панама Республики — Тĕп Америкăра Кариб тинĕсĕпе Лăпкă океан хушшинче, Панама пымакĕнче вырнаçнă. Анăç енче Коста-Рикăпа, тухăçра Колумбипе чикĕленет; çĕр лаптăкĕ — 75 517 тв. çм; шĕкĕр хули — Панама Сити.

Географи

Kунта тинĕсçум тропиклă климат; питĕ нӳрĕклĕ, пĕлĕтлĕ кунсем-каçсем тăраççĕ. Çу уйăхĕнчен кăрлача çити - çумăр тапхăрĕ, кăрлăчран çу уйăхĕ таран — типшек сезонĕ. Çĕр пичĕн чылайăшĕ пĕр пек тӳрĕ мар: тусемпе айлăмсем умлă-хыçлă. Чи çӳллĕ вырăнĕ - Де Чирики (Volcan de Chiriqui) вулканĕ (3,475 м). Çĕр айĕнче - пăхăр упранăвĕсем пур, вăрман-йывăç нумай, гидроэлектростанцисем туса лартма хăватлă юханшывсем пур, пулă тата креветка ĕрченĕ вырăнсем те чылай.

Панама çĕрĕсенче хăватлă урагансем тата вăрман çуннисем те пулса иртеççĕ. Юханшывсене ялхуçалăх ĕçĕсен мăшкăлтăк шывĕсене кĕртсе яраççĕ, çавсем пирки пулă ĕрчетес ĕçсене сиен кӳреççĕ. Ним шута илмесĕр тропик вăрманĕсене касни çĕр тухăçне-пуянлăхне начарлатать, тăприсем çумăр шывĕн юхăмĕпе Панама каналне çитсе тултараççĕ.

Халăхĕ

Йышлăхĕ 3 232 пинĕ çын (2005). Çав шутра:

• Метиссем (Мestizo) — 70%,
• Анăç индеецсемпе карибсем — 14%,
• Европеецсем — 10%,
• Индеецсем — 6%

Çĕршывра тĕн енĕпе:

• Католиксем — 85%,
• Протестантсем — 15%

Панамăра икĕ чĕлхе сарăлнă:

• Испани чĕлхи (oфициаллă чĕлхе),
• Акăлчан чĕлхи (14% çын калаçать),
• Нумай çынсем темиçе чĕлхепе усă кураççĕ.

Каçăсем

• Наци ассамблейи
• Панама DMOZ-ра
• Панама в справочнике ЦРУ «The World Factbook» 2019 ҫулхи Кӑрлач уйӑхӗн 3-мӗшӗнче архивланӑ.(акăлч.)
• Фед.исследовательская работа конгресса США(акăлч.)
• encyclopedia.com(акăлч.)