Camsefyll
 | |
| Math | rheol chwaraeon  |
|---|---|
Mae camsefyll yn rheol a ddefnyddir gan nifer o wahanol chwaraeon tîm sy'n rheoleiddio agweddau ar leoliad chwaraewyr. Fe’i defnyddir yn arbennig mewn chwaraeon maes gyda rheolau’n deillio o’r codau amrywiol pêl-droed megis pêl-droed ei hun, rygbi’r undeb a rygbi’r gynghrair, ac mewn chwaraeon ‘ffon a phêl’ tebyg i hoci iâ, hoci, a bandi. Diffinir fel "bod mewn safle ar gae chwarae (rygbi, pêl-droed, hoci ag ati) lle na chaniateir chwarae’r bêl."[1]
Pwrpas rheolau camsefyll
[golygu | golygu cod]
Yn gyffredinol, mae rheolau camsefyll wedi'u cynllunio i sicrhau bod chwaraewyr yn chwarae gyda'i gilydd fel tîm, ac nid ydynt yn gosod un neu ychydig o chwaraewyr yn gyson wrth ymyl gôl y gwrthwynebydd ('goalhanging') i geisio derbyn pasiad am gôl hawdd heb wrthwynebwyr o'r tîm arall gerllaw. Fodd bynnag, gall gweithredu a gorfodi rheolau camsefyll fod yn gymhleth, ac weithiau gall fod yn ddryslyd i chwaraewyr newydd yn ogystal ag i wylwyr.[2]
Hanes
[golygu | golygu cod]Mae rheolau camsefyll yn dyddio'n ôl i godau pêl-droed a ddatblygwyd yn ysgolion preifat Lloegr ar ddechrau'r 19g. Roedd y rheolau camsefyll hyn yn aml yn llawer llymach nag mewn gemau modern. Mewn rhai ohonyn nhw, roedd chwaraewr "yn camsefyll" pe bai'n sefyll o flaen y bêl yn unig. Roedd hyn yn debyg i’r gyfraith camsefyll bresennol ym myd rygbi, sy’n cosbi unrhyw chwaraewr rhwng y bêl a gôl y gwrthwynebydd. Mewn cyferbyniad, nid oedd gan Reolau Sheffield pêl-droed wreiddiol unrhyw reol camsefyll, ac roedd chwaraewyr o'r enw "cic drwodd" wedi'u lleoli'n barhaol ger gôl y gwrthwynebwyr.[2]
'Camsefyll' yn Gymraeg
[golygu | golygu cod]Cofnodir y gair 'camsefyll' yn y Gymraeg yn y Geiriadur Mawr yn 1958, ond dichon y bu iddo gael ei defnyddio cyn hynny. Noda Alun Williams yn y llyfr o'r un enw, "Byddwn yn clywed termau fel bachwr, asgellwr, cam-sefyll ac ochrgamu yn dod mor hawdd."[3]
Chwaraeon sydd â'r Rheol Camsefyll
[golygu | golygu cod]- Pêl-droed Americanaidd a Phêl-droed Canadaidd
- pêl-droed
- bandi
- hoci iâ
- rygbi
- hoci - rhan o'r gamp yn hanesyddol, ond fe'i diddymwyd yn swyddogol ym 1998
Chwaraeon sydd heb Rheol Camsefyll
[golygu | golygu cod]Podlediad Camsefyll Cymraeg
[golygu | golygu cod]Ceir podlediad Cymraeg ar bêl-droed o'r enw Camsefyll.[4]
Dolenni allanol
[golygu | golygu cod]Cyfeiriadau
[golygu | golygu cod]- ↑ "Camsefyll". Geiriadur Prifysgol Cymru. Cyrchwyd 20 Tachwedd 2024.
- ↑ 2.0 2.1 Olympics.com: Offside rule
- ↑ "Camsefyll". Geiriadur Prifysgol Cymru. Cyrchwyd 20 Tachwedd 2024.
- ↑ "Camsefyll". Y Pod. Cyrchwyd 21 Tachwedd 2024.