Dansk Kulturinstitut

Dansk Kulturinstitut
Enghraifft o'r canlynol	asiantaeth lywodraethol
Dechrau/Sefydlu	1940
Prif weithredwr	Camilla Mordhorst
Sylfaenydd	Folmer Wisti
Ffurf gyfreithiol	Fonde og andre selvejende institutioner
Pencadlys	Vartov
Gwefan	http://www.dankultur.dk/

Mae'r Dansk Kulturinstitut (talfyrir i DKI; "Sefydliad Diwylliannol Denmarc") yn sefydliad annibynnol sydd â chytundeb fframwaith 4 blynedd gyda'r Weinyddiaeth Ddiwylliant y wladwriaeth. Mae'r sefydliad wedi bodoli ers 1940. Am fwy nag 80 mlynedd, y pwrpas fu hyrwyddo deialog rhyngddiwylliannol ar draws ffiniau cenedlaethol trwy gelfyddyd a diwylliant.^[1] Mae Ei Uchelder Brenhinol y Dywysoges Mary yn noddwr Sefydliad Diwylliannol Denmarc. Camilla Mordhorst yw'r cyfarwyddwr.^[2] Mae'r DKI yn aelod o'r European Union National Institutes for Culture.

Hanes

*Gaismas pils* - Castell golau" - adeilad Llyfrgell Genedlaethol Latfia bu'n cynnal canolfan Lafia a gwledydd y Baltig y DKI

Sefydlwyd Sefydliad Diwylliannol Denmarc gan Folmer Wisti dan yr enw Det Danske Selskab (Cymdeithas Denmarc), a’i nod oedd creu cyd-ddealltwriaeth trwy wybodaeth am Ddenmarc a chyfnewid diwylliant, syniadau a phrofiadau ar draws ffiniau cenedlaethol. Ym 1989, newidiodd y Det Danske Selskab ei enw i Det Danske Kulturinstitut, ac ers 2016 i Dansk Kulturinstitut.

Sefydlwyd yr adrannau cyntaf dramor ym 1947. Heddiw, mae gan Sefydliad Diwylliannol Denmarc ei brif swyddfa yn Copenhagen a sefydliadau yn: Gwlad Belg (Brwsel), Latfia (Riga),^[3] Rwsia (Saint Petersburg), Tsieina (Beijing), Brasil (Rio de Janeiro) ac India (Delhi Newydd). Yn ogystal, mae gan Sefydliad Diwylliant Denmarc brosiectau yn yr Wcráin, Twrci a Belarws.

Cennad

Mae'r DKI yn enghraifft o strategaeth ddiplomyddiaeth ddiwylliannol er hyrwyddo grym meddal Denmarc.

Ynghyd â phartneriaid Daneg a rhyngwladol, mae Sefydliad Diwylliannol Denmarc yn datblygu nifer fawr o ddigwyddiadau a phrosiectau sy'n berthnasol yn ddiwylliannol ac yn gymdeithasol.

Trwy eu gwreiddiau lleol, mae gan y sefydliadau dramor lawer o wybodaeth am ddiwylliant y rhanbarth y maent yn gweithio ynddo, a rhwydwaith cryf yn y sector diwylliannol ac ymhlith sefydliadau cymdeithasol ac addysgol, awdurdodau a chyrff anllywodraethol.

Gweithgaredd

Mae gweithgareddau Sefydliad Diwylliannol Denmarc yn cynnwys:

Cyngherddau gydag unawdwyr ac ensembles o Ddenmarc dramor
Arddangosfeydd gydag artistiaid o Ddenmarc ac arddangosfeydd addysgiadol gyda phynciau cysylltiedig â chymdeithas, er enghraifft pensaernïaeth Denmarc, ysgol ac addysg ac amodau cymdeithasol
Theatr, ffilm a dawns
Cynadleddau a seminarau ar bynciau diwylliannol neu wyddor gymdeithasol - dramor ac yn Nenmarc
Teithiau astudio i Ddenmarc ac oddi yno o fewn pynciau megis polisi cymdeithasol ac iechyd, addysg a diwylliannol. Yn ddelfrydol, mae'r teithiau astudio wedi'u hanelu at sefydliadau proffesiynol, awdurdodau a chymdeithasau gwladwriaethol, rhanbarthol a threfol
Cynigion cyfnewid ac addysg barhaus i weithwyr o fewn yr ysgol, a meysydd diwylliannol, cymdeithasol ac iechyd, lle mae’r cyfranogwyr yn cael cipolwg ar fywyd bob dydd proffesiynol a diwylliannol ei gilydd
Cyrsiau dysgu'r iaith Daneg - y rhan fwyaf dramor
Llenyddiaeth

Sefydliadau tebyg

Mae Danske Kulturinstitut yn debyg i sawl sefydliad gan genedl wladwriaethau eraill er mwyn hyrwyddo diwylliant, iaith a buddion eu gwledydd. Y Basgwyr (gydag Etxepare Euskal Institutua ) a'r Catalaniaid (gyda Institut Ramon Llull) yw'r unig ddau genedl ddi-wladwriaeth sydd â sefydliad mor soffistigedig a strategol. Hyd yma, nid yw Cymru wedi gweld yn dda i sefydlu asiantaeth debyg.

Asiantaethau [golygu \| golygu cod] Goethe-Institut, Yr Almaen Österreich Institut, Awstria Instituto Guimarães Rosa (cynt Centro Cultural Brasileiro), Brasil Sefydliad Confucius, Gweriniaeth Pobl Tsiena Instituto Caro y Cuervo, Colombia Česká centra, Gweriniaeth Tsiec Dansk Kulturinstitut, Denmarc British Council, Deyrnas Unedig European Union National Institutes for Culture, Undeb Ewropeaidd Alliance française, Ffrainc Institut français, Ffrainc Suomen kulttuuri- ja tiedeinstituutit, Ffindir Canolfan yr iaith Roeg, Gwlad Groeg Sefydliad Diwylliant Groeg, Gwlad Groeg Balassi Intézet, Hwngari (1927– ) Indian Council for Cultural Relations, India Culture Ireland, Iwerddon Istituto Italiano di Cultura, Yr Eidal Società Dante Alighieri, Yr Eidal EMMA for Peace, Yr Eidal	Eesti Instituut, Estonia Jewish Agency for Israel, Israel Sefydliad Japan, Japan Korean Friendship Association, Gogledd Corea Lietuvos kultūros institutas, Lithwania Sentro Rizal, Y Philipinau Instytut Adama Mickiewicza, Gwlad Pwyl Instytut Polski, Gwlad Pwyl Instituto Camões, Portiwgal Institutul Cultural Român, Rwmania Sefydliad Russkiy Mir, Rwsia Canolfan Diwylliannol Corea, De Corea Sefydliad Corea, De Corea Instituto Cervantes, Sbaen Svenska Institutet, Sweden Sefydliad Yunus Emre, Twrci Sefydliad Wcráin, Wcráin Bureau of Educational and Cultural Affairs, Unol Daleithiau Institut Ramon Llull - Tiroedd Catalaneg Etxepare Euskal Institutua - Gwlad y Basg