Horus
Horus, mitolociya Mısırê antiki dı yew homao, homay asmênio. Horus mitolociya Mısırıcan dı tewr homanê gırdan ra yewo, rêzanê verênan dı ca gêno. Wıni ver-vêniyeno Mısıro pre-historik (tarix ra ver) ra hetana Qıralina Ptolemaik u Mısırê Roma merdıman Horus perestış kerdo. Yewbini ra cıya şınasnayışê Horusi estê, merdıman Horus cıya-cıya qeyd kerdo u dem be dem gurey homay Horusi gorey demi vıriyay. Horus vêşêr zey yew heliy (qartali) ameyo motış, yew mêrde be serey qartali ameyo asayış.
Tewr formê verên ê Horusi zey Homao tutelaro, Homao ke Mısırê Corêni şevekneno u Homao mıli vêniyao. Her qıralo ke ameyêni textê Mısıri ser, dınya dı asayışê Horusi u merdış dı zi asayışê Osirisi motêne. Keyey Horusi sero cıya vênayışi estê. Gorey vênayışo yewın Horus lacê Osiris u Isirisio u o mitê Osirisi dı rolo gırd kay keno. Gorey tayê vênayışan zi Hathor hem maya Horusia hem zi cênıka eya. Xeylê gurey Horusi esti biy, vêşêr o zey Homay asmêni, leci u seydi şınasiyeno.
Key Seti bıray xo Osiris kışeno, keno parçe u parçê bedenê Osirisi keno vıla, cênıka (hem zi waya Osirisi) Osirisi parçê bedenê Osirisi kena yew, hema tek teyna kırê Osirisi vıni beno, İsisi nêşena kırê Osirisi bıvêno. Çunke Seti kırê Osirisi eşto ro Royê Nili ser u yew mase kırê Osirisi werdo. İsiris zi sihir kena, Osirisi reyna ano dınya, Osirisi rê kıro zernên (altun) vırazeno u wıni zi Osiris u İsiris ra Horus beno. İsiris zi hem cênık hem zi waya Osirisia. Key İsis bena dıganın, remena Delta Nili, xo bıray xo Seti ra nımnena çunke a tersena ke Set Horusi zi kışeno. Yew zi çımê Horusi esto ke zaf namdaro. Horus çımê xoyo çep vıni keno, cı ra yew çımo newe vırazênê u o ey dano çımê xo ser. Gorey vatışanê verênan qet yew merdım nêşeno çımê Horusi ra bıramo, çımê Horusi her çi vêneno.
Horus maya xo ra beno, Homay Mısıri beno, dedê xo Seti kışeno u beno yew qıral-Homao gırd. Hetana serranê İmperatoriya Roma merdımi Horusi rê ibadet kenê, key Xıristiyanan herrê Mısıri kenê xo dest, dinê Mısırıcan vırnenê, kenê yesax u wıni zi merdımi hêdi hêdi dinê Horusi ra abırriyenê, dinê Horusi beno vıni.
Bewnên
[bıvurne | çımeyi bıvurne]Mısıro antik  Mitolociya Mısıri
|
|---|
| Heşt Homaê Heliopolisıci/Ogdoad |
| Amun/Amunet | Huh/Hauhet | Kuk/Kauket | Nu/Naunet |
| New Homaê Heliopolisıci/Ennead |
| Atum | Şu/Shu | Tefnut | Geb | Nuit/Nut | Ausare/Osiris | İsis/Aset | Set | Nebet Het/Neftis |
| Homa u Homaê bini |
| Anubis | Apis | Aten | Bast | Djehuty | Hathor | Horus | Khepri | Chons | Maàt | Min | Neith | Ptah | Ra | Sekhmet | Sobek | Wepwawet | Heryşaf |