Mongole

Rozšyrjenje Mongolow

Mongole su lud, kótaryž jo žywy głownje w Mongolskej, w Chinskej ludowej republice a w Rusojskej.

Stawizny

Nastaśe

Mongole su wobsednuli na dłujkem pódzajtšu źinsajšneje Mongolskeje, mjazy rěkoma Onon a Kerulen. Mongole su byli zjadnośone wót Džyngis chana (Temüdžyna - teke Temudžyna) na kóńcu 12.stolěśa.

Źinsajšne rozšyrjenje Mongolow

Mongolska

Wobydlarstwo Mongolskeje wobstoj z 85 % z Mongolow, což jo něźi 2,4 milionow (Staw 2007).

Chinska ludowa republika

W Chinskej ludowej republice jo žywych 5.813.947 Mongolow. (Staw 2000) Licba Mongolow w Chinskej ludowej republice jo rozdźělona do awtonomnych teritorijow a prowincow:

• 68,72 %: Awtonomny teritorij Nutśikowna Mongolska,
• 11,52 %: prowinca Liaoning,
• 2,96 %: prowinca Jilin,
• 2,92 %: prowinca Hebei,
• 2,58 %: Ujgurski awtonomny teritorij Xinjiang,
• 2,43 %: prowinca Heilongjiang,
• 1,48 %: prowinca Qinghai,
• 1,41 %: prowinca Henan,
• 5,98 %: zbytk Chinskeje ludoweje republiki.