Jimi Hendrix

 Miranduléś

C'l artìcul chè 'l è scrit in Miranduléś

Na statṿa 'd céra 'd Jimi Hendrix

«

When I'm sad she comes to me with a thousand smiles, she gives to me free, it's alright she says it's alright, take anything you want from me, anything, anything, fly on little wing.»

(EN)(Little Wing, 1967)

«

Quànd a sòṅ śò lì lē la vîṅ da mè cun mila surìś ch'la m śibìs sénsa dmandàr gnint in cambi, a và bèṅ, la diś, tut a pòst, tó da mè qvél ch'at vō, incòsa, cuntìnua a vulàr pìcula ala.»

(MUD)

James Marshall Hendrix, cgnusû méj cuma Jimi Hendrix (Seattle, 27 ad Nuvémbar dal 1942 - Lóndra, 18 ad Setémbar dal 1970) 'l è stâ 'n cantànt e chitarìsta rock americàṅ, cgnusû p'r èsar stâ 'l leader dal grup di The Jimi Hendrix Experience. In dal 1992 al gh l'à cavàda a finìr in dla Rock and Roll Hall of Fame.

Par la rivìsta Rolling Stone, in na clasìfica fata in dal 2011, lì lò 'l è stâ 'l più grand chitarìsta ad tut i tèmp.

Biugrafìa

Hendrix tòlt śò in dal 1967

Uriginàri dal stat ad Washington, Hendrix al taca a sunàr la chitàra a quìnd'ś an, pò al partìs par far 'l servìsi militàr in di paracadutìsta. In séguit al và a star a Clarksville (Tennessee) in du al taca a sunàr cun Little Richard in fiṅ a 'l 1965. 'L an dòp al partìs par 'l Inghiltèra in du al s fà cgnósar faghénd di braṅ cuma Hey Joe, Purple Haze e The Wind Cries Mary.

Turnâ in di Stat Unî al fà in tèmp a sunàr a Woodstock in dal 1969 prima 'd murìr, a sōi 27 an, parchè al n éra più bòṅ ad tiràr fiâ dòp avér tòlt di barbitùric.

Discugrafìa

• 1967 - Are You Experienced
• 1967 - Axis: Bold as Love
• 1968 - Electric Ladyland
• 1970 - Band of Gypsys

Culegamènt estéran

• (EN) Al sò sit ufisiàł