Creative Commons

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Creative Commons (de: „schöpferisches Gemeingut, Allmende“) ass eng Gesellschaft, déi am Internet verschidde Standardlizenzkontrakter verëffentlecht, fir mat Hëllef vun hiren Auteuren an hire Wierker, wéi z. B. Texter, Biller, Musek... asw., der Ëffentlechkeet d'Rechter fir se ze benotze kënne ze ginn.

Rechtermoduler

Aktuell (Versioun 3.0) gëtt et 6 Lizenzméiglechkeeten, déi ee sech mat de Rechtermoduler selwer zesummebastele kann. Zanter der Versioun 2.0 gëtt d'Méiglechkeet "Domaine public" net méi ugebueden, soudatt d'Basisversioun "CC BY" ass, a jee no Bedarf weider Moduler derbäigesat gi fir sech eng Lizenz nom perséinleche Bedarf op d'Mooss zesummenzesetzen.

Ikon	Ofkierzung	Numm vum Modul	Kuerzerklärung
	by	Nummnennung (Englesch: Attribution)	Den Numm vum Auteur muss genannt ginn.
	nc	Net kommerziell (Non-Commercial)	D'Wierk däerf net fir kommerziell Zwecker gebraucht ginn, woumat no EU-Recht och de Verkaf dee grad emol käschtendeckend ass verbuede gëtt.
	nd	Keng Beaarbechtung (No Derivatives)	D'Wierk däerf net verännert ginn.
	sa	Weidergab ënner de selwechte Bedingungen (Share Alike)	D'Wierk muss no Verännerungen ënner der selwechter Lizenz weidergi ginn.

Beispill: D'Texter vun der Wikipedia sinn ënner der CC BY-SA Lizenz verëffentlecht. Dat heescht also, datt bei d'Basisversioun CC BY nach de Modul SA koum, an d'Texter vu jiddwerengem gebraucht a reproduzéiert gi kënnen, och a verännerter Form, ënner de Konditiounen (1) datt d'Auteuren déi zum Artikel bäigedroen hu genannt ginn (ze gesinn ënner dem Reider "Versioune weisen"), an (2) datt d'Lizenz déi selwecht bleiwe muss an och mat "CC-by-sa/3.0" ugi gëtt. Fir e Wikipedia-Artikel richteg ze zitéiere klappt een am beschte lénks d'Geschirkëscht op a klickt do op "Dës Säit zitéieren".

Projet cc-lu

D'Adaptatioun vun der Creative Commons Lizenz un d'lëtzebuergesch Jurisdictioun ass vun der Luxcommons a.s.b.l. de 15. Oktober 2007 lancéiert ginn. Apaart um Projet ass datt déi lëtzebuergesch Lizenz direkt an der Versioun 3.0 erauskoum.

Um Spaweck

• creativecommons.org Creative-Commons-Websäit
• Creative Commons Lëtzebuerg
• Creative Commons Däitschland
• Creative Commons Éisträich
• Creative Commons Schwäiz
• Creative-Commons-Wiki fir Däitschland, Éisträich an d'Schwäiz
• Lizenz-Assistent zur Auswiel fir déi passend Lizenz
• De Projet vu luxcommons.lu

Um Spaweck

Commons: Creative Commons – Biller, Videoen oder Audiodateien