Kediri

Larĝa panoramo en Kediri

Kediri
urbo de Indonezio vd
Flago	Blazono
Devizo: Djojo ing bojo
Administrado
En TTT	Oficiala retejo [+]
Demografio
Loĝantaro	252 000  (2003) [+]
Loĝdenso	3 975 loĝ./km²
Geografio
Geografia situo	7° 49′ S, 112° 0′ O (mapo)-7.8111111111111112.00472222222 [+]
Alto	3 m [+]
Areo	63,4 km² (6 340 ha) [+]
Horzono	UTC+07:00 [+]
Kediri (Indonezio) DEC Situo de Kediri
Alia projekto
Vikimedia Komunejo Kediri [+]

Kediri estas universitata urbego en la ĉefa insulo Javo, en provinco Orienta Javo en Indonezio. La loknomo devenas de la sanskrita vorto Khadri, kiu signifas hindan moruson, kiuj kreskis en la areo. Kediri havas tri distriktojn.

Vido en Kediri

Geografio

Kediri situas en interno de la insulo. Salatiga troviĝas 35, Madiun (urbo) 59, Mojokerto (urbo) 63, Malang 71, provinca ĉefurbo Surabajo 103, Surakarta 135, Jogjakarto 181, Semarang 198, Bandungo 495, tutlanda ĉefurbo Ĝakarto 601, Tangerang 621, Serang 674, Makassar 872, Palembang 966, Batam 1332, Padango 1500, Pekanbaru 1495, Medano 1949, Banda Aceh 2375 kilometrojn (aere) [1].

Historio

Tradicie Kediri estis fondita en 879. La proksima rivervalo estis konata kiel loko de la klasika java kulturo kaj hindua regno, precipe inter la 10-a kaj 15-a jarcentoj. La urbo Dahanapura aŭ Daha (nuna Kediri) estis establita en 1042. Daha estis ĉefurbo de la reĝlando. Post la reĝa java epoko Kediri malkreskis pro erao de Nederlanda Orienthinda Kompanio. Okazis fiaska ribelo kontraŭ la nederlandanoj. Kediri ekfloris, kiam ĝi iĝis aŭtonoma areo en 1906, plena aŭtonomio estis donita en 1928. Dum la Indonezia Nacia Revolucio (1945–1949) la urbo estis celo de la partizana kampanjo. En 1965 post la malsukcesa puĉo Kediri suferis teruran sangoverŝadon, en kiu miloj da homoj estis mortigitaj.

Ekonomio

Kediri estas grava komerca centro por la indonezia sukerindustrio. La tabaka industrio estis establita en 1958 fare de ĉindevena homo. Nun la tabakfabriko estas la ĉefa dunganto de la urbo kun pli ol 40 000 laboristoj.

La skulptaĵo Totok Kerot estas restaĵo de la regno Kediri

Trafiko

Kediri havas trairan ĉefvojon, ankaŭ aliajn vojojn al la provinco. Ankaŭ fervojo funkcias.

Religio

Plimulto de Kediri estas islama.

Eduko

Kediri havas 3 naciajn universitatojn kaj aliajn privatajn universitatojn.

Klimato

Kediri havas tropikan savanan klimaton (Aw). En ĉiuj monatoj pluvas, resume jare 1886 mm. Inter junio-oktobro iomete malpli ofte pluvas. La averaĝa jara temperaturo estas 26 °C kaj varias inter 20-31 °C. Ne estas grandaj diferencoj inter la monatoj.

Vidindaĵoj

• praaj ruinoj el la epoko de Regno Kediri
• moskeoj
• universitatoj
• amuzparkoj

Fontoj

• WikiTrans

• 
  Stacidomo
• 
  Vojo