Asklepio

Asklepios, makilarekin eta sugearekin, bere ezaugarrietako bi

Asklepio (antzinako grezieraz: Ἀσκληπιός, Asklēpiós, asklɛːpiós ahoskatua) greziarren artean medikuntzaren jainkoa zen. Apolo eta Koronis ninfaren semea zen. Erroman Eskulapio (latinez: Aesculapius) izenez ezaguna zen. Elezaharraren arabera, Kiron zentauroak erakutsi zion medikuntzaren artea. Asklepiok eriak sendatu ez ezik, hildakoak pizten zituen. Izadiaren ordena hein horretan iraulia ikusirik, tximistaz jo zuen Zeusek. Epidauron ohoratu zuten batez ere Asklepio. Bere ezaugarriak: sugea, oilarra, makila eta kopa.

Ikus, gainera

• Eskulapioren haga
• Eskulapioren suge

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q83223
• Multimedia: Asclepius / Q83223

Artikulu hau mitologiari buruzko zirriborroa da. Wikipedia lagun dezakezu edukia osatuz.