British Film Institute
| British Film Institute | |
|---|---|
 | |
| Datuak | |
| Mota | karitatezko erakundea |
| Herrialdea | Erresuma Batua |
| Jarduera | |
| Kidetza | Digital Preservation Coalition eta European Film Agency Directors |
| Eskumendekoak | BFI National Archive (en)  |
| Enplegatuak | 487 (2017) |
| Agintea | |
| Egoitza nagusi | |
| Zeren jabe | |
| Ekonomia | |
| Diru-sarrerak | 95.724.000 £ (2017) |
| Historia | |
| Sorrera | 1933 |
webgune ofiziala      | |
British Film Institute (BFI) (euskaraz: Zinema Britainiarraren Institutua) irabazi-asmorik gabeko erakundea da, eta errege-dekretu bidez ezarri da helburu hauetarako:
| « | Erresuma Batuan zinemako, telebistako eta mugimenduan dagoen irudiko arteen garapena bultzatzea, bizitza eta ohitura garaikideen erregistro gisa erabil daitezen sustatzea, zinemari, telebistari eta mugimenduan dagoen irudiari buruzko hezkuntza sustatzea, gizartean duten eragina, britainiar eta munduko zinema-lerrorik zabalena eskuratu eta aintzat har dadin sustatzea, eta Erresuma Batuko irudiaren historia eta ondarea islatzen duten bildumak ezarri, zaindu eta garatzea. [1] | » |
Historia
[aldatu | aldatu iturburu kodea]BFI 1933an sortu zen. Bizitza nazionaleko zineari buruzko txosten batean egindako gomendio baten ondorioz sortu bazen ere, garai hartan institutua konpainia pribatua zen, nahiz eta bere historian zehar diru publikoa jaso duen, hala nola Kontseilu Pribatukoa eta Diruzaintzakoa 1965az geroztik, eta orduz geroztik kultura-sailakoa.
1948ko Radcliffe txostenari jarraiki berregituratu zen institutua. Hark gomendatu zuen film-artearen balioespena garatzean kontzentratu behar zela, berak sortu ordez. Beraz, hezkuntza-zinemaren ekoizpenaren kontrola Hezkuntzako Ikusizko Laguntzarako Batzorde Nazionalera pasatu zen, eta Britainia Handiko Zinema Akademiak bere gain hartu zuen ekoizpena sustatzeko kontrola. 1952tik 2000ra, BFIk zinemagile berri eta esperimentalak funtsez hornitu zituen BFIko Produkzio Batzordearen bidez.
Institutuak errege-dekretu bat jaso zuen 1983an. 2000. urtean eguneratu zen, EBko Zinema Kontseiluak BFIren urteko diru-laguntza (gobernuaren sorospena) emateko ardura bere gain hartu zuen urte berean. Karitatezko erakunde independente gisa, Karitate Batzordeak eta Kontseilu Pribatuak arautzen dute BFI.
1988an, BFIk London Museum of the Moving Image (MOMI) — Mugimenduan dagoen Irudiaren Londresko Museoa— ireki zuen Hego Erriberan. MOMI nazioartean txalotu zuten, eta entretenimenduaren bidez hezteko estandar berriak ezarri zituen. Baina, gero, ez zituen jaso etengabeko inbertsio-maila handiak, aurrerapen teknologikoen mailan eta ikusleen itxaropen gero eta handiagoen mailan mantentzeko aukera eman ziezaioketenak. Museoa "aldi baterako" itxi zen 1999an, BFIk birkokatu egingo zela esan zuenean. Hori ez zen gertatu, eta 2002an itxi zen MOMIa, Hegoaldeko Erriberako eremua berriro urbanizatzea erabaki zenean.
Erreferentziak
[aldatu | aldatu iturburu kodea]- ↑ Elizabeth II. (1983ko uztailaren 18a, 2000ko apirilaren 19an zuzendua). British Film Institute: Royal Charter. Charity Commisioners for England and Wales.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q260528
Multimedia: British Film Institute / Q260528