Nasser aintzira

Nasser aintzira
بحيرة الناصر, (ar)
Nasser aintzira; بحيرة الناصر, (ar)
Datu orokorrak
Garaiera	179 m
Mota	urtegi
Luzera	500 km
Zabalera	35 km
Azalera	5.250 km²
Sakonera	25 m
Bolumena	132 km³
Geografia
Koordenatuak	22°30′N 31°52′E / 22.5°N 31.86°E
Estatu burujabe	Egipto
Egiptoko gobernadore-herria	Aswan Governorate
Hidrografia
Betebidea	ikusi Nilo;
Hustubidea	Nilo
Arro hidrografikoa	Niloren arroa

Nasser aintzira^[1] (arabieraz بحيرة الناصر, Buhayrat Nasir) Nilo ibaiaren erdialdeko arroan sortutako urtegi edo aintzira artifizial bat da. Egipto hegoaldean kokatua, Sudango muga igaro arte hedatzen da.

Zehazki, Nasser laku izenarekin Egiptoko zatia baino ez da ezagutzen, zati honek, laku osoaren hedaduraren %83a hartzen duelarik, sudandarrek, lakuaren euren zatiari Nubiako lakua (arabieraz: بحيرة نوبية; Buhayrat Nubiya) deitzea nahiago duten bitartean.

Historia

1958 eta 1970 bitartean egin zen Asuango urtegiaren eraikuntzaren emaitza da. Gutxi gora-behera, 550 kilometroko luzera eta, bere zatirik zabalenean, Kantzerko Tropiko inguruan, 35 kilometroko zabalera du. Bere hedadura osoa 5250 km²koa da eta bere edukiera 157 km³koa.

Uren mailaren igoerak, beharrezko egin zituen aztarna arkeologikoen birkokatze egitasmo batzuk, 1960ko hamarkadan aurrera eraman zirenak.

Nubiar aztarna arkeologiko garrantzitsuak zituzten zenbait toki, zatiz zati desmuntatuak izan ziren eta toki garaiagoetara eramanak. Horien artean, Abu Simbeleko tenplua nabarmendu behar da. Wadi Halfako ibai portu eta tren geltokia, urek estali zuten, eta hiri berri bat eraiki zen horren ordez.

Egiptoko nubiar guztiak (ehun mila pertsona baino askoz gehiago), ordura arte Nilo ibaiaren goiko tokietan bizi zirenak, beste toki batera eramanak izan ziren, euren herrixkak urpean geratu baitziren. Buhen gotorlekua ur azpian gelditu zen ordea.

Lakuaren Egiptoko zatiak, bere izena, Gamal Abdel Nasser presidenteari zor dio, nork urtegiaren egitasmo polemikoa pentsatu zuen.