Nekazaritza intentsibo

Nekazaritza intentsiboa lan edo kapital (azpiegiturak, teknologia, ...) ekoizpen-faktoreak neurri handian, nekazal jarduera garatzen den lur-eremuen aldean, baliatzen dituen nekazal-jarduera bat da, nekazaritza estentsiboaren aurkakoa. Gehienetan, langile kopuru handiagoak eskatzen dituen nezakaritza mota bat da, ongarriak eta ekoizpena gehitzeko bestelako gai kimikoak erabili eta instalakuntza eta makineria konplexuak (negutegiak, adibidez) behar dituena, betiere ekoizpena maximotzeari begira. Horrela, nekazal jarduera intentsiboak jarduera estentsiboak baino lur eremu txikiagoa beharko du ekoizpen bera lortzeko, lan eta teknologiazko ekoizpen faktoreen erabilera intentsiboari esker.