Bengo

Bengo
Localización
	8°47′00″S 13°59′00″L / -8.7833333333333, 13.983333333333
Estado	Angola
Capital	Caxito (pt)
Contén a división administrativa	Ambriz (pt) ; Bula Atumba (pt) ; Dande (pt) ; Dembos (pt) ; Nambuangongo (pt) ; Pango Aluquém (pt)
Poboación
Poboación	351.579 (2014) (11,21 hab./km²)
Lingua usada	Língua sama (pt) ; Lingua umbundu
Xeografía
Superficie	31.371 km²
Comparte fronteira con	Provincia de Zaire ; Cuanza Sul ; Cuanza Norte ; Província do Uíge (pt) ; Provincia de Luanda
Identificador descritivo
Fuso horario	UTC+01:00; Horário da África Ocidental (pt)
ISO 3166-2	AO-BGO
Sitio web	bengo.gov.ao

Bengo é unha das 18 provincias de Angola, localizada no norte. Ten unha área de 33.016 km² e unha poboación de aproximadamente 450.000 habitantes. A cidade de Caxito, no municipio de Dande, é a capital provincial.

Xeografía

Atópase rodeando Luanda, situada a setenta quilómetros de Caxito. Limita coas provincias de Zaire polo norte, Uige polo nordeste, Cuanza Norte polo leste e Cuanza Sul polo sur.

Nesta provincia sitúase o Parque Nacional de Kissama e a reserva do bosque de Kibinda, rodeado por dous grandes ríos, o Longa e o Kwanza. Este último é navegable ao longo de todo o seu paso polo parque, e até a desembocadura no océano Atlántico. A provincia tamén ten un número de lagos, a maior parte nos municipios de Dande e Icolo e Bengo. É unha provincia costeira, e dispón de praias naturais, como a de Pambala e Libongos, de 7 km de lonxitude.

O clima é de tipo tropical seco, cunha temperatura media de 25 °C, sendo o mes de marzo o máis cálido (33 °C) e xullo o máis fresco (17 °C).

As cidades máis importantes son: Cabo Ledo, Lagoa de Panguila, Porto Kipiri e Funda.

Demografía

A provincia contaba con 166.000 habitantes en 1991, estimándose para o 2006 de 460.508 persoas.^[1]

Municipios

Posúe cinco concellos.

Municipio	Capital	Área (km²)	Pop. (2006 est)
Ambriz	Ambriz	4,204	16,611
Dande	Caxito	6,529	82,992
Ícolo e Bengo	Catete	3,819	58,830
Nambuangongo	Muxaluando	5,604	110,831
Quiçama	Muxima	12,046	29,905

Algunhas fontes tamén inclúen os seguintes municipios na provincia de Bengo: Bula-Atumba, Dembos, e Pango-Aluquém.^[2]

Comunas

Componse das seguintes comunas:^[3]

Economía

A principal actividade económica é a agricultura, centrándose no cultivo de café, algodón, iuca, palmeiras, cítricos, bananas e hortalizas. Tamén traballan a madeira, e realizan labores de pesca. Hai artesáns que fan cousas tradicionais do lugar con bambú, madeira, pau preto, bordados.

Tamén hai minería que extrae xofre, xemas, fosfatos, calcarios e cuarzo.

Outro importante motor é a pesca deportiva e a caza.

Linguas

Ademais do portugués, nesta provincia fálase o congo.

Notas

↑ Instituto Nacional de Estatística, Angola. Instituto Nacional de Segurança Social, Angola. [1] Arquivado 30 de setembro de 2016 en Wayback Machine.
↑ Info-Angola (ed.). "Bengo: Municipios". Arquivado dende o orixinal o 22 de marzo de 2017. Consultado o 16 de xaneiro de 2011.
↑ Info-Angola (ed.). "Bengo: Comunas". Arquivado dende o orixinal o 14 de xuño de 2017. Consultado o 16 de xaneiro de 2011.

Véxase tamén

Ligazóns externas

Info-Angola Arquivado 22 de decembro de 2009 en Wayback Machine.

[1] Instituto Nacional de Estatística, Angola. Instituto Nacional de Segurança Social, Angola. [1] Arquivado 30 de setembro de 2016 en Wayback Machine.

[info-angola-2] Info-Angola (ed.). "Bengo: Municipios". Arquivado dende o orixinal o 22 de marzo de 2017. Consultado o 16 de xaneiro de 2011.

[3] Info-Angola (ed.). "Bengo: Comunas". Arquivado dende o orixinal o 14 de xuño de 2017. Consultado o 16 de xaneiro de 2011.

[1]

[2]

[3]