Código (dereito)
En dereito, un código é un conxunto unitario, ordenado e sistematizado de normas e principios xurídicos, estabelecidos co movemento codificador.
As compilaciones ou corpos legais máis antigos coñecidos son:
- as táboas da arcaica cidade de Ebla (2400 a.C.), os máis antigos fragmentos existentes dun código legal
- o Código de Ur-Nammu, rei de Ur (cara 2050 a.C.)
- o Código de Ešnunna (cara 1930 a.C.)
- o Código de Lipit-Ishtar de Isín (cara 1870 a.C.);
- o Código de Hammurabi (1760 a.C.)
- o Código de Manu (entre o 200 a.C. e o 200 d.C.)
Os primeiros rexistros legais romanos pertencen ao século V a.C.. Porén, a primeira codificación formal, ordenada por Xustiniano I, tivo lugar no século VI. Na Idade Media, e cara á era moderna, fixéronse compendios locais ou provinciais.
O primeiro código nacional propiamente dito foi o Código Civil de Francia, estabelecido durante o reinado de Napoleón. En países coa tradición do dereito anglosaxón ou Common law, como Inglaterra e os EUA, os corpos legais foron tradicionalmente menos importantes cós rexistros de decisións xudiciais. As codificacións significativas leváronse a cabo nos EUA durante o século XX.
