Christadelphians
Os christadelphians (en inglés, "irmáns en Cristo"[1]) son unha igrexa protestante que foi fundada en 1850 en Gran Bretaña e nos Estados Unidos[2]. Hai aproximadamente 60.000 membros en todo o mundo[3]. Os grupos máis numerosos están en Gran Bretaña[4], Canadá[5], Australia[6][7] e algúns países como Malaui[8], Mozambique[9] e Filipinas[10].
Historia
[editar | editar a fonte]O movemento foi fundado por John Thomas, un médico inglés nos Estados Unidos que estaba desilusionado co Restauracionismo de Alexander Campbell[11] Thomas volveu a Inglaterra para escribir o seu libro Elpis Israel ("A Esperanza de Israel") en 1848-1849 e atopou moitos simpatizantes entre os adventistas e unitarios no seu país de orixe[12] En 1850 volveu aos Estados Unidos e organizou as primeiras asembleas. As congregacións en Gran Bretaña foron en gran parte formadas por un xornalista escocés chamado Robert Roberts[13][14].
Crenzas
[editar | editar a fonte]As súas crenzas distintivas inclúen:
- A Biblia é a palabra de Deus, pero debe ser lida con intelixencia. O lector debe distinguir o que é metafórico do que é literal[15][16][17][18].
- Non aceptan a doutrina da Santísima Trindade[19] Cren que Xesús non existía antes do seu nacemento, excepto no plano do seu pai[20] O versículo que di "eu descendo do ceo" interprétano como metáfora que fai referencia ó seu nacemento milagroso dunha virxe, e non a unha existencia real no ceo antes da concepción[21].
- Consideran que a morte é un sono que dura ata o momento da resurrección[22] Isto inclúe o propio Cristo, que estivo literalmente morto durante tres días no seu túmulo[23]. Para os crentes, a resurrección terá lugar cando Cristo regrese[24] Polo tanto, non cren na inmortalidade da alma nin que Deus castiga as almas para sempre no inferno. A inmortalidade debe ser dada por Deus. Distinguen estritamente os dous conceptos de Hades e Geena na Biblia.
- Cren que o demo é unha alegoría da tentación. Xustifican esa idea sobre a natureza simbólica de Satanás en Xob e Zacarías, e na incompatibilidade de crer en anxos caídos e, ó mesmo tempo, nun Deus todopoderoso[25][26].
Comunidade
[editar | editar a fonte]- A comunidade christadelphian non ten sé nin xerarquía, está formada por igrexas locais nas cales as funcións de ensino e culto rotan cada semana. Non existen ministros nin pastores, cada igrexa elixe unha comisión de anciáns anualmente.[27].
- A entrada na comunidade faise a través dun bautismo de inmersión cando o individuo é adulto. O único rito da igrexa é unha simple cerimonia de comuñón[28].
- Os christadelphians non votan nas eleccións e non serven na policía nin no exército. En tempos de guerra son obxectores de conciencia[27].
- Non teñen regras contra o consumo de tabaco, alcohol ou carne de porco. Pretenden vivir unha vida honesta, con moderación"[29].
- Non pagan décimo, pero moitos membros dan apoio económico a proxectos da igrexa ou a obras de caridade en África e na India[30].
- Non consideran o Nadal e a Semana Santa festividades bíblicas, pero a maioría dos cristadelfiáns aínda ven nestas festas unha oportunidade para pregar e celebrar[11].
Notas
[editar | editar a fonte]- ↑ BBC, Religion & Ethics—Chrisitanity: Subdivisions: Christadelphians. (en inglés)
- ↑ Hillerbrand, H.J. The encyclopedia of Protestantism. Vol. 1, A-C. (en inglés)
- ↑ CBM Worldwide Guide 2007, Christadelphian Bible Mission (UK), 2007. (en inglés)
- ↑ Christadelphians, The Columbia Enclyclopedia. (en inglés)
- ↑ Canada Office of Census Statistics. (en inglés)
- ↑ Religious Affiliation—Australia: 2001 and 1996 Census. (en inglés)
- ↑ 2006 Census New Zealand Office of Statistics. (en inglés)
- ↑ "Malaui". Arquivado dende o orixinal o 14 de maio de 2010. Consultado o 22 de abril de 2010.
- ↑ "Mozambique". Arquivado dende o orixinal o 29 de outubro de 2017. Consultado o 22 de abril de 2010.
- ↑ Filipinas Arquivado 08 de xullo de 2011 en Wayback Machine. (en inglés)
- ↑ 11,0 11,1 Charles H. Lippy, The Christadelphians in North America Studies, en American Religion, Vol. 43. Lewiston/Queenston: Edwin Mellen Press, 1989. ISBN 0-88946-647-5. (en inglés)
- ↑ Wilson, A.B. History of the Christadelphians 1864-1885: the emergence of a denomination. 1997 (en inglés)
- ↑ Norrie, W. Early History of the Gospel of the Kingdom of God in Britain. Earlston, 1904 (en inglés)
- ↑ Eyre, A. The Protestors. Birmingham. (en inglés)
- ↑ Tennant, H. The Christadelphians: What they believe and preach. Birmingham, The Christadelphian, 1986. ISBN 0-85189-119-5).
- ↑ Bull, M. The Bible — The Word of God. Printland Publishers, Hyderabad, Índia. (en inglés)
- ↑ Pearce, F. Getting to know God. Birmingham. (en inglés)
- ↑ Tennant, H. Christ in the Old Testament Israel's True Messiah. Birmingham. (en inglés)
- ↑ Pearce, F. Jesus:God the Son or Son of God?. The Christadelphian Magazine and Publishing Association, Ltd (UK). (en inglés)
- ↑ Norris, A.D. The Person of the Lord Jesus Christ Birmingham. (en inglés)
- ↑ Perry, A. Before he was born. Willow Publications. (en inglés)
- ↑ Pearce, F. After Death What? CMPA, Inglaterra. (en inglés)
- ↑ Zilmer, P. Who is Jesus? Hyderabad: Printland Publishers, India, ISBN 81-87409-68-1. (en inglés)
- ↑ Morgan, T. Christ is Coming. (en inglés)
- ↑ Watkins, P. The Devil the Great Deceiver. Birmingham, Inglaterra. (en inglés)
- ↑ Tennant, H. The Holy Spirit — Bible Understanding of God's Power. CMPA Birmingham, Inglaterra. (en inglés)
- ↑ 27,0 27,1 Wilson, B.R. Sects and Society: A Sociological Study of the Elim Tabernacle. Christian Science and Christadelphians. Londres, Heinemann, 1961; Berkeley/Los Angeles: University of California Press, 1961. (en inglés)
- ↑ UK Christian Handbook 2004 Focus on the Christadelphian Community, Multicultural Matters, outubro de 2004. Londres, Building Bridges, 2004. (en inglés)
- ↑ Hyndman, R. The Christadelphians (Brothers and Sisters in Christ): Introducing a Bible-based Community Beechworth. Victoria, Bethel Publications, 1999. (en inglés)
- ↑ "Christadelphian Meal-a-Day" (en inglés). Arquivado dende o orixinal o 29 de setembro de 2007. Consultado o 22 de abril de 2010.
