Lynn Margulis

Lynn Margulis

Biografía
Nacemento	5 de marzo de 1938 Chicago, Estados Unidos de América
Morte	22 de novembro de 2011 (73 anos) Amherst, Estados Unidos de América
Educación	Universidade de Wisconsin-Madison Universidade de Massachusetts Amherst (pt) Universidade de California, Berkeley Universidade Harvard University of Chicago Laboratory Schools (en)
Actividade
Campo de traballo	Bioloxía celular
Ocupación	biólogo evolutivo, ecoloxista, microbióloga, bióloga, zoóloga, profesora universitaria, botánica, conferenciante
Empregador	Universidade de Massachusetts Amherst (pt) Universidade de Boston
Membro de	Academia Naciona de Ciencias dos Estados Unidos (1983–) Academia das Artes e das Ciencias dos Estados Unidos
Influencias	Ivan Wallin (pt)
Obra
Obras destacables (1967) On the origen of mitosing cells (en)
Abreviación dun autor en botánica	Margulis
Arquivos en	Biblioteca do Congreso dos Estados Unidos de América
Familia
Cónxuxe	Carl Sagan (1957–1965)
Fillos	Dorion Sagan, Jeremy Sagan
Premios
(11 de maio de 2008)  honorary doctor of Syracuse University (en) (2008)  Medalha Darwin-Wallace (pt) (2007)  doutor honoris causa pola Universidade de Vigo (2001)  doutor honoris causa pola Universidade de Valencia (2000)  Premio Edimburgo (23 de marzo de 1999)  Q126416261 (1999)  Medalla Nacional de Ciencia (1999)  William Procter Prize for Scientific Achievement (en) (1998)  Medalla Nevada (1978)  Bolsa de estudos Guggenheim  Doutor honoris causa pola Universidade Autónoma de Barcelona  honorary doctorate of the Autonomous University of Madrid (en)
Descrito pola fonte	Obálky knih, Medvik >>>:Margulis, Lynn, 1938-2011, V2 archive (en)
Sitio web	geo.umass.edu…

Lynn Margulis, nada en Chicago (Illinois) o 5 de marzo de 1938 e finada en Amherst (Massachusetts) o 22 de novembro de 2011, foi unha recoñecida bióloga estadounidense. Esta muller ademais de numerosos estudos (Licenciada na Universidade de Chicago, Doutora pola Universidade de Wisconsin...) tivo moitos títulos e recoñecementos, como a medalla outorgada polo expresidente Bill Clinton en 1999 ou a Medalla Nacional da Ciencia. Formou parte da Natural Academy of Science dende 1983 e da Russian Academy of Natural of Science. Foi nomeada doutora honoris causa pola Universidade de Vigo e investida o 26 de xaneiro de 2007.

Desenvolveu o seu traballo como profesora distinguida do Departamento de Xeociencias da Universidade de Massachusetts. Entre os seus numerosos traballos no campo do evolucionismo destacou a súa teoría sobre o paso de células procariotas a células eucariotas (Endosimbiose Serial).

Traxectoria

Lynn Margulis iniciou os seus estudos de secundaria no instituto Público de Hyde Park, pero cando os seus pais a trasladaron á Escola Laboratorio da Universidade de Chicago, ela volveu ao instituto cos seus antigos amigos. Desta etapa de instituto recordaba con gran cariño a súa mestra de lingua castelá, a señora Kniazza.

Aos 16 anos foi aceptada no programa de adiantados da Universidade de Chicago onde aos 20 anos licenciouse, segundo ela adquiriu o título, un marido (Carl Sagan) e un máis duradeiro escepticismo crítico.

En 1958, continuará a súa formación na Universidade de Wisconsin como alumna dun mestrado e axudante de profesora. Estuda bioloxía celular e Xenética (xenética xeral e xenética de poboacións), mostrando unha grande admiración polo seu mestre James F. Crow (``Cambiou a miña vida, grazas a el souben que quería estudar xenética´´).

Xa se sente atraída polo mundo das bacterias desde o seu comezo que, naquela época, ela dicía que eran consideradas só na súa dimensión de xérmenes de carácter patóxeno e sen interese na esfera do evolucionismo. Lynn comezou a investigar os traballos ignorados e esquecidos para apoiar a súa primeira intuición sobre a importancia do mundo microbiano na evolución. Nos seus diferentes traballos nos guía no que foi a súa investigación e os antecedentes das súas achegas.

As súas achegas a bioloxía e ao evolucionismo son múltiples: describe paso a paso e con concreción a orixe das células eucariotas (a SET, considérase o seu mellor traballo; xunto a K.V. Schwartz clasifica a vida na terra en cinco reinos agrupados en dous grandes niveis: bacterias e eucariotas; formula a súa teoría sobre a simbioxénese e a teoría de importancia desta na evolución; apoia dende o primeiro momento a hipótese de Gaia do químico James E. Lovelock, contribuíndo a ela dende a bioloxía e intentando que adquirise categoría de teoría; realizar unha suma de traballos concretos sobre organismos bacterianos e formas de vida simbiótica... Na última fase da súa vida, traballou na posible orixe dos cilios das espiroquetas.

Teoría da endosimbiose serial (SET)

Artigo principal: Endosimbiose.

Tras quince intentos fracasados de publicar os seus traballos sobre a orixe das células eucariotas, en 1966 logra que a revista Journal of Theoretical Biology acepte e finalmente publique a finais de 1967 o seu artigo Origin of Mitosing Cells. Max Taylor, especializado en protistas, mestre na Universidade de British Columbia, foi o que a bautizou co acrónimo SET (Serial Endosynbiosis Theory).

Lynn Margulis continuou traballando na súa teoría sobre a orixe das células eucariotas e o que nun principio fora un artigo adquiriu as dimensións dun libro. Novamente fracasou nos seus intentos de publicar, na que entón era a súa editorial (Academia Press) que tras manter o manuscrito cinco meses retido devolvéronlle unha carta onde publicaban o seu rexeitamento sen explicacións. Tras máis dun ano de intentos, o libro publicouse grazas a Yale University Press. Dende entón, a SET abrirase camiño penosamente ata hoxe, que se considera proba nas súas tres cuartas partes.

Véxase tamén

Outros artigos

• Hipótese Gaia
• Simbiose
• Simbioxénese