Rolls-Royce Dart

Rolls-Royce Dart
Rolls-Royce Dart RDa. 3 Mk506
Tipo	turbohélice
Fabricante	Rolls-Royce
Primeiro encendido	1946
Principais aplicaciós	Avro 748 Breguet Alizé Fokker F27 Grumman Gulfstream I Vickers Viscount
N.º construídos	máis de 7 100

O Rolls-Royce RB.53 Dart é un motor turbohélice británico deseñado e fabricado por Rolls-Royce. O seu primeiro encendido foi en 1946 e foi o motor usado no primeiro voo do Vickers Viscount en 1948. Con este modelo sería o primeiro turbohélice en entrar en servizo nunha aeroliña, a British European Airways (BEA), en 1950. O 29 de xullo de 1948 un voo entre Northolt e o aeroporto de París-Le Bourget con 14 pasaxeiros nun Viscount con motores Dart foi o primeiro voo dunha aeroliña en usar un avión impulsado por turbinas. O Viscount converteuse no primeiro avión con turbohélices en entrar en servizo con British European Airways (BEA), no ano 1953.

O Dart estaba aínda en produción cando se fabricaron os derradeiros Fokker F27 Friendship e Hawker Siddeley HS 748 en 1987. Segundo a convención da compañía de bautizar os seus motores de turbinas con nomes de ríos, o deseño deste turbohélice recibe o seu nome do río Dart, en Devon.