Seth Low

Seth Low

Biografía
Nacemento	18 de xaneiro de 1850 Brooklyn, Estados Unidos de América
Morte	17 de setembro de 1916 (66 anos) Bedford Hills, Estados Unidos de América (en)
Causa da morte	cancro
Lugar de sepultura	cemiterio de Green-Wood 40°39′17″N 73°59′28″O
92º Alcalde de Nova York
1 de xaneiro de 1902 – 31 de decembro de 1903 ← Robert Anderson Van Wyck (pt) – George B. McClellan Jr. →
11º President of Columbia University (en)
1890 – 1901 ← Frederick Augustus Porter Barnard (pt) – Nicholas Murray Butler →
Datos persoais
Educación	Universidade Columbia Poly Prep Country Day School (en)
Actividade
Ocupación	político
Partido político	Partido Republicano
Familia
Cónxuxe	Anne Wroe Scollay Curtis Low
Pai	Abiel Abbot Low
Sinatura
Descrito pola fonte	Enciclopedia Británica de 1922 Encyclopædia Britannica Collier's New Encyclopedia

Seth Low nado o 18 xaneiro de 1850 en Brooklyn e finado en Nova York o 17 de setembro de 1916 en Bedford Hills, Nova York, foi un educador e político estadounidense do Partido Republicano que contou tamén co apoio do Partido Demócrata. Foi o último alcalde da cidade independente de Brooklyn, presidente da Universidade de Columbia, representante diplomático dos Estados Unidos de América e alcalde da cidade de Nova York.

Traxectoria

Vida temperá

Low foi estudante no que entón era Polytechnic Preparatory High School, agora Poly Prep Country Day School, en Brooklyn e no Columbia College. Low, cuxo pai Abiel Low era un dos principais comerciantes con China, pasou varios anos na empresa familiar na década de 1870. En 1880 casou con Anne Wroe Scollay Curtis. Chegou a ser alcalde de Brooklyn en 1881; ao facelo, sucedeu ao seu avó, que tamén fora alcalde de Brooklyn. Serviu durante dous mandatos até 1885, pero o seu apoio a Grover Cleveland en 1884 enfureceu á poboación e non foi reelixido para un terceiro mandato.

Presidente da Universidade Columbia

Despois de servir como alcalde de Brooklyn, Low asumiu a presidencia do Columbia College en 1890, cargo que ocupou ata 1901. Durante este tempo, supervisou o traslado da institución de Midtown Manhattan a Morningside Heights e cambiou o seu nome a Columbia University. O novo campus estaba totalmente integrado na cidade e incluía unha biblioteca dun millón de dólares construída en 1895.

O 4 de xullo de 1899 foi un dos delegados estadounidenses para asistir á Conferencia Internacional de Paz na Haia.

Alcalde de Nova York

Low presentouse á alcaldía sendo presidente da universidade. Na súa campaña coa que gañou as eleccións, contou cos apoios do humorista Mark Twain, do seu partido e dos demócratas. Mellorou o sistema educativo da cidade, pero só exerceu como alcalde durante un ano, sendo sucedido en 1903 por George B. McClellan Jr., fillo do xeneral McClellan da Guerra civil.

Últimos anos

Foi presidente do Instituto Tuskegee en Alabama desde 1907 até a súa morte en 1916. Desde 1907 foi tamén presidente da Federación Cívica Nacional. Low morreu na súa casa de Bedford Hills o 17 de setembro de 1916.

Véxase tamén

Biblioteca

• Low, Seth. In: Encyclopædia Britannica. 11. Band 17: Lord Chamberlain – Mecklenburg. Londres 1911, S. 72  

Ligazóns externas

• Biografía sobre Seth Low