Արյանա (քաղաք)
| Բնակավայր | ||
|---|---|---|
| Արյանա | ||
 | ||
| Երկիր |  Թունիս | |
| Համայնք | Ariana Governorate? և delegation of Ariana Ville?[1] | |
| Մակերես | 180 կմ² | |
| ԲԾՄ | 38 մետր | |
| Բնակչություն | 114 486 մարդ | |
| Հեռախոսային կոդ | 0021671 | |
| Փոստային դասիչ | 2080 | |
| Պաշտոնական կայք | commune-ariana.gov.tn | |
| ||
Արյանա[2] (արաբ․՝ أريانة), քաղաք Թունիսի հյուսիսում։ Համանուն վիլայեթի վարչական կենտրոնն է։
2004 թվականին մունիցիպալիտետը ներառել է 97 687 բնակիչ[3]։ Քաղաքը զբաղեցնում է 18 000 հեկտար տարածք և համարվում է 160 000 բնակչությամբ 7 խոշոր արվարձան ընդգրկող ագլոմերացիայի կենտրոն։ Տեղակայված է Թունիս-Կարթագեն միջազգային օդանավակայանից և Կարթագենի ավերակներից ոչ հեռու։
Պատմություն
[խմբագրել | խմբագրել կոդը]Քաղաքի անվանումն արաբական չէ։ Հավանաբար այն արտացոլում է Մագրիբի ափի վանդալների տիրապետության շրջանը և բխում է լատիներեն արիանե (լատին․՝ ariani) բառից։ 16-րդ դարի սկզբի հեղինակները նշում են, որ այս բնակավայրը լի է եղել գոթերից և վանդալներից մնացած հնություններով։ Ըստ լեգենդի՝ քաղաքը անանվել է հռոմեացի գեներալի դստեր պատվին, որի արքունիքը գտնվել է շրջակայքում։
Արյանայի մերձակայքում է տեղակայված Աբու Դաբի Ֆիխր պարկը՝ հաֆսիդական արքայադստեր համար պուրակներով և ջրամբարներով։ Թունիսական պոետներն ու զբոսաշրջիկ Լև Աֆրիկացին գովերգել է Արյանայի այգիների վարդերը։ Հաֆսիդների ժամանակների մեկ այլ հիշատակում է 1270 թվականի Կարթագենում ափ իջած խաչակիրների դեմ մարտնչող սուրբ Սիդի Ամարի դամբարանը։
Հաֆսիդական կառավարիչ Աբու Աբդալահ Մահամադ ալ-Մուստանսիրը Արյանան դարձրել է կարևորագույն կենտրոն։
Արյանայում է ապրել նաև Սիդի Մահրեզը, որը համարվում է Թունիսի հովանավորը։
Արյանայի մունիցիպալիտետը կազմավորվել է 1908 թվականի հունիսի 1-ին։
Անկախ Թունիսի ստեղծումից և նրանում Արյանայի ընդգրկվելուց հետո քաղաքի բնակչությունը էապես ավելացել է, ինչը հանգեցրել է բնակարանային շինարարության բարձր տեմպերին։ Արդյունքում էապես կրճատվել է այգիների և պատմական շինությունների թիվը։ Պահպանվածների թվում են․
- Բեն Էյդ ապարանքը - միջնադարյան կառույց, որտեղ 1983 թվականից գտնվում է քաղաքային խորհուրդը։
- Բակուշի ապարանք - ներկայումս գտնվում է Պարի ազգային կենտրոնը։
Վերջին շրջանում քանդվել են Քաիդ Էսսեբսի և Մեստերիի պալատները և Բակուշի հնագույն շինությունը։ Ըստ պլանի՝ հաջորդը Զաուշի պալատն է, որը գտնվում է Արյանայից դեպի Թունիս ճանապարհին։
Տնտեսություն
[խմբագրել | խմբագրել կոդը]Գյուղատնտեսություն
[խմբագրել | խմբագրել կոդը]Արյանան ավանդաբար հայտնի է գյուղատնտեսական մթերքների արդյունահանմամբ և վարդերի աճեցմամբ։
Բիր Բելհաս պարկում վարդերի այգին զբաղեցնում է շուրջ 3000 մ²։ Նրա մեջ կա 16000 վարդի թուփ, որոնցից 90%-ը պատկանում է «արյանա վարդ» տեսակին։ Այն ստացվել է 1637 թվականին Անդալուզիայում։ Դրա մոտակայքում է գտնվում վարդերի պատկերասրահը, որտեղ ներկայացված են վարդերի պատմական, բնական և մշակութային կողմերը։
Էլ Գազալի տեխնոպոլ
[խմբագրել | խմբագրել կոդը]Արյանայի Էլ Գազալ տեխնոպարկը գիտատեխնիկական և կրթական կենտրոն է։ Այստեղ տեղակայված է Համացանցի թունիսական գործակալությունը։
Էլ Գազալում պատրաստում են ինժեներների և ծրագավորողների։ Այստեղ են գտնվում Թունիսի Հաղորդակցության դպրոցը և Հեռահաղորդակցական տեխնոլոգիաների բարձրագույն կենտրոնը։
Այստեղ անցկացվում են հեռահաղորդակցական խորհրդի մշակումներ և մշակումներ են արվում այնպիսի ընկերությունների համար, ինչպիսիք են Alcatel, Archimed, Bilog и STMicroelectronics։ Այստեղ են գտնվում «Ericsson» ընկերության սեփական ձեռնարկությունները։ Alcatel-ը և նրա ծրագրային արտադրանքների զարգացման կենտրոնը, որը համարվում Marcoussis հետազոտական և զարգացման կենտրոնի մասը, նախատեսում է այստեղ բացել ինկուբացիոն հարթակ, որպեսզի ներդրվեն ինֆորմացիոն տեխնոլոգիաների և կապի ոլորտի գոյություն ունեցող և նոր մշակումներ։
Պատկերասրահ
[խմբագրել | խմբագրել կոդը]-
Արյանայի կենտրոնական փողոց -
Զաուշի ապարանք -
Արյանան 20-րդ դարասկզբի գեղանկարիչ Կատանիայի նկարում
Ծանոթագրություններ
[խմբագրել | խմբագրել կոդը]- ↑ المناطق الترابية (العمادات) حسب الولايات والمعتمديات
- ↑ Карта Туниса М 1 :1 000 000. Омск, Роскартография, 2004.
- ↑ «Recensement de 2004 (Institut national de la statistique)». Արխիվացված է օրիգինալից 2015 թ․ դեկտեմբերի 9-ին. Վերցված է 2021 թ․ հոկտեմբերի 20-ին.
Արտաքին հղումներ
[խմբագրել | խմբագրել կոդը]- Site officiel de la municipalité de l’Ariana
- Présentation de l’Ariana sur le site de la ville de Grasse
- Cité des sciences de Tunis Արխիվացված 2020-05-22 Wayback Machine
 | Վիքիպահեստն ունի նյութեր, որոնք վերաբերում են «Արյանա (քաղաք)» հոդվածին։ |
| ||||||||||
