Ժոզե Ալդու
| Ժոզե Ալդու | |
|---|---|
 | |
| Ծնվել է | սեպտեմբերի 9, 1986 (38 տարեկան) |
| Ծննդավայր | Մանաուս, Բրազիլիա |
| Քաղաքացիություն |  Բրազիլիա |
| Մասնագիտություն | Ընդհանուր մենամարտիկ և Thai boxer |
 José Aldo Վիքիպահեստում | |
Ժոզե Ալդու դա Սիլվա Օլիվեյրա Ժունիոր (սեպտեմբերի 9, 1986, Մանաուս, Բրազիլիա), բրազիլացի խառը ոճի մարտիկ, հանդես է գալիս UFC-ի հովանու ներքո՝ կիսաթեթև քաշային կարգում։ Ալդուն WEC-ի և UFC-ի միավորումից հետո դարձել է UFC-ի և WEC-ի առաջին կիսաթեթև քաշային կարգի չեմպիոնը։ Մինչև 2015 թվականի դեկտեմբերի 12-ը UFC-ի պաշտոնական վարկանիշում Ալդուն լավագույն մարտիկների ցուցակում առաջին տեղն էր զբաղեցրել՝ անկախ քաշային կարգից (անգլ.՝ pound-for-pound), նա նաև Sherdog-ի վարկածով կիսաթեթև քաշային կարգում համար մեկն էր։ UFC-ի կրկնակի չեմպիոն է կիսաթեթև քաշային կարգում։
MMA գործունեություն
[խմբագրել | խմբագրել կոդը]Վաղ տարիներ
[խմբագրել | խմբագրել կոդը]Ժոզե Ալդուն իր առաջին մենամարտն անցկացրել է տասնյոթ տարեկանում EcoFight 1 մրցաշարում, 2004-ի օգոստոսի 10-ին։ Մրցակիցը նրա հայրենակիցն էր՝ ոմն Մարիո Բիգոլա, որը 18-րդ վայրկյանին ոտքով գլխին հարվածից նոկաուտի է ենթարկվել։ «Shooto Brazil» մրցաշարում Ալդուն իր երկրորդ մենամարտն անցկացրել է հայրենակից Հոդսոն Ռոհայի դեմ։ Մենամարտը ավարտվել է տխնիկական նոկաուտով (դադարեցվել է բժշկի կողմից) առաջին ռաունդում՝ ծնկի հարվածից Ռոհայի ձախ աչքի կտրվածքի հետևանքով։ Հինգ ամիս անց Ալդուն իր երրորդ մենամարտն անցկացրել է դեբյուտանտ Լուիս դե Պաուլայի դեմ «Shooto Brazil 7» մրցաշարի շրջնակներում։ Ալդուն հաղթել է Arm Triang Choke խեղդող հնարքով և մրցակցին ստիպել է հանձնվել մեկնարկից 56 վայրկյան անց։ Հաջորդ մի քանի տարիների ընթացքում Ալդուն կռվել է տարբեր կազմակերպություններում, նա կռվել է Վալե Տուդոյի և Շուտո Արիտանո Սիլվա Բարբոսայի դեմ, որին պարտության է ենթարկվել մեկնարկից 22 վայրկյան հետո։ Այնուհետև նա կրկին կռվել է Անդերսոն Սիլվերիուի դեմ, որը նույնպես շրջանի մեկնարկից հետո 7:33 րոպեին պարտություն է կրել ոտքերով հարվածների (Kicks Soccer) պատճառով։ Դրանից հետո Ալդուն մեկնել է Անգլիա, որտեղ 2005 թվականի հոկտեմբերի 15-ին Բրիտանիայի FX3-Battle մրցաշարում կռվել է Միկի Յանգի հետ, որը ռաունդի մեկնարկից հետո 1:05 րոպեին պարտվել է տխնիկական նոկաուտովով։
Պարտություն Ազևեդուից
[խմբագրել | խմբագրել կոդը]Ընդամենը մեկ ամիս անց Ալդուն մենամարտել է սև գոտու սեփականատեր Լուտ Լավրի Լուչանու Ազևեդուի դեմ Jungle Fight 5 մրցաշարի ընթացքում։ Այդ մենամարտում Ալդուն հաղթել է առաջին ռաունդում, բայց երկրորդ ռաունդում Ալդուն «բաց է թողել» թիկունքը և ընկել էր խեղդող հնարքի մեջ (Rear Naked Choke): Քոնոր ՄաքԳրեգորի հետ մենամարտից առաջ սա միակ պարտությունն է եղել Ժոզե Ալդուի համար։
Վերականգնում
[խմբագրել | խմբագրել կոդը]Հաջորդ մենամարտ Ալդուն անցկացրել է այն ժամանակ անպարտելի Տիագո Մելերի դեմ` GoldFC 1 մրցաշարում, որին նա հաղթել է մեծամասնության որոշմամբ` հավասար պայքարում։ Առաջին ռաունդը նախատեսված էր Ալդուի համար, նա կատարել է 2 թեյքդաուն (երկու անգամն էլ մուտք գործելով հալֆ գարդ) և ձախ ձեռքի հարվածով վնասել է հակառակորդի հոնքը։ Բայց Մելերին հաջողվել է երկու անգամ բռնել Ալդուին և ցավեցնող հնարք կատարել (Armbar)՝ ուժեղ ձգելով նրա ձեռքը առաջին անգամ, նախքան Ալդուին հաջողվել է դուրս պրծնել։ Երկրորդ ռաունդը նույնպես մնացել է Ալդուին, որը գցել է Մելլերին և համերֆիստներ է հասցրել։ Երրորդ ռաունդում մրցակիցները ռաունդի մեծ մասն անցկացրել են կլինչում։
Ultimate Fighting Championship
[խմբագրել | խմբագրել կոդը]2010 թվականի հոկտեմբեր 28-ին WEC միացել է UFC-ին։ Միանալու կապակցությամբ WEC-ի բոլոր մարտիկները տեղափոխվել էին UFC: Ալդուն UFC-ի չեմպիոնական գոտին ստացել է 2010 թվականի նոյեմբերի 20-ին։ Ժոզեն պետք է անցկացներ գոտու առաջին պաշտպանությունը UFC 125 մրցաշարում Ջոշ Գրիսպիի դեմ, սակայն մենամարտը ստիպված էր հետաձգել Ալդուի պարանոցի վնասվածքի պատճառով՝ չեմպիոնի գոտին հանձնելուց անմիջապես 3 օր անց։ Գոտու առաջին պաշտպանությունը տեղի է ունեցել ապրիլի 30-ին UFC 129 մրցաշարում Մարկ Խոմինիկի դեմ։ Հաջորդ մենամարտը Քեննի Ֆլորիանի դեմ էր, որն ավարտվել է Ալդուի հաղթանակով։ Հաջորդ պաշտպանությունում Ժոզե Ալդուն առաջին ռաունդի վերջին վայրկյանին նոկաուտի է ենթարկել ամերիկացի Չեդ Մենդեսին։
Վնասվածքների շարքից և հակառակորդների փոփոխությունից հետո Ալդուի մրցակից է նշանակվել թեթև քաշային կարգի նախկին չեմպիոն Ֆրենկի Էդգարը։ UFC 156 մրցաշարում Ալդուն պաշտպանել է իր տիտղոսը՝ մրցավարների միաձայն որոշմամբ հաղթելով Էդգարին։ Օգոստոսի 3-ին UFC 163 մրցաշարում նշանակվել է Ժոզե Ալդուի և UFC-ի թեթև քաշային կարգում չեմպիոն Էնթոնի Պետիսի մենամարտը։ Սակայն հունիսի կեսերին Պետիսը ծնկի վնասվածք էր ստացել և փոխարինվել կորեացի Չեն Սուն Յունգով։ Ալդուն հերթական անգամ պաշտպանել է տիտղոսը՝ չորրորդ ռաունդում հաղթելով տեխնիկական նոկաուտով։ UFC 179 շրջանակներում կայացել է Ժոզե Ալդուի ռևանշը Չեդ Մենդեսի դեմ։ Լարված մենամարտում Ժոզե Ալդուն հաղթել է մրցավարների միաձայն որոշմամբ։ Մենամարտը լավագույնն էր ճանաչվել 2014 թվականին։ 2015 թվականի դեկտեմբերի 12-ին իռլանդացի Քոնոր ՄաքԳրեգորը դարձել է խառը մենամարտերի UFC-ի չեմպիոն՝ տիտղոսային մենամարտում նոկաուտի ենթարկելով բրազիլացի Ժոզե Ալդուին։ Մենամարտը տեղի է ունեցել Լաս Վեգասում (ԱՄՆ) և ավարտվել է արդեն 13-րդ վայրկյանին։ Այս հաղթանակը դարձել է կազմակերպության պատմության մեջ տիտղոսի ամենաարագ գրավումը։
UFC-ի չեմպիոնություն
[խմբագրել | խմբագրել կոդը]2010-ից 2015 թվականներին Ժոզե Ալդուն UFC-ի կիսաթեթև քաշային կարգի անպարտելի չեմպիոն էր։ 5 տարվա ընթացքուն նա գոտին պաշտպանել է 7 անգամ այնպիսի անվանի մարտիկներից, ինչպիսիք են Ֆրենկի Էդգարը, Չեդ Մենդեսը (երկու անգամ), Ռիկարդո Լամասը։ Սակայն վերջին տարիներին Ալդուն հաճախ է վնասվածք ստացել և հազվադեպ է հանդես եկել օկտագոնում։ UFC-ի մարտիկների վարկանիշում թիվ մեկ հորիզոնականում լինելով, անկախ քաշային կարգից, հայտնի լինելով իր հանգստությամբ՝ Ալդուն փոխել է իրեն իր կյանքում Քոնոր ՄաքԳրեգորի հայտնվելուց հետո և կիսաթեթև դիվիզիոնի վարկանիշի թոփում։ Սուր լեզվով ՄաքԳրեգորը չէր ամաչում իր հարցազրույցներում և մամուլի ասուլիսներում Ժոզեի վերաբերյալ արտահայտություններից, իսկ մեկ համատեղ մամուլի ցուցադրության ժամանակ Ալդուից խլել է նրա գոտին, որը Ժոզեն անմիջապես փորձել է վերադարձնել, բայց փորձերը ապարդյուն էին։ Գոտին հաջողվել է վերադարձնել միայն UFC-ի անվտանգության աշխատակիցների օգնությամբ, որոնք աշխատում էին մամուլի ասուլիսում։ Բրազիլացին ամբողջ ընթացքում փորձում էր իռլանդացուն վճարել նույն կերպ, ինչպես նաև հայհոյել է ՄաքԳրեգորի ուղղությամբ։
Ալդուի և ՄաքԳրեգորի միջև մենամարտը պետք է կայանար 2015 թվականի հուլիսի 11-ին UFC 189 մրցաշարում[1]։ Բայց այդ ժամանակ բրազիլացին հրաժարվել էր ելույթից՝ պատճառաբանելով վնասվածքը։ Նրա փոխարեն օկտագոն է դուրս եկել ամերիկացի Չեդ Մենդեսը։ Ալդու-ՄաքԳրեգորի երկար սպասված մենամարտը այնուամենայնիվ կայացել է 2015 թվականի դեկտեմբերի 12-ին UFC 194-ի շրջանակներում։ Իռլանդացու մշտական հոգեբանական ճնշումն իրենն արել է. մենամարտից առաջ Ալդուն ճնշված էր, հուզված, նյարդային և չէր կարողացել պատշաճ կերպով տրամադրվել։ Նման տրամադրվածությունը մենամարտին բրազիլացուն արժեցել է չեմպիոնական գոտին։ ՄաքԳրեգորը մրցակցին նոկաուտի է ենթարկել առաջին ռաունդի 13-րդ վայրկյանին հանդիպակաց հակահարվածով, երկրորդ և շատ ցավոտ պարտություն է հասցրել Ալդուի գործունեությունում։
Տիտղոսներ և ձեռքբերումներ
[խմբագրել | խմբագրել կոդը]- Ultimate Fighting Championship
- UFC-ի կիսաթեթև քաշային կարգի չեմպիոն (2 անգամ)
- UFC-ի պաշտոնական վարկանիշում առաջինը լավագույն մարտիկների շարքում անկախ քաշային կարգից
- «Երեկոյի լավագույն մենամարտ» մրցանակի մրցանակակիր (3 անգամ) ընդդեմ Մարկ Խոմինիկի, Ֆրենկի Էդգարի և Չեդ Մենդեսի
- World Extreme Cagefighting
- WEC-ի կիսաթեթև քաշային կարգի չեմպիոն (1 անգամ, վերջինը)
- Տիտղոսի երկու հաջող պաշտպանություն
- «Երեկոյի լավագույն նոկաուտ» (3 անգամ) ընդդեմ Ռոնալդ Պերեզի, Կաբ Սունսոնայի, Մայքլ Բրաունի
- Sherdog
- Տարվա լավագույն մարտիկ (2009)[2]
- World MMA Awards
- Տարվա լավագույն մենամարտ (2014) ընդդեմ Չեդ Մենդեսի UFC 179-ի շրջանակներում[3]
- ESPN
- Տարվա լավագույն մենամարտ (2014) ընդդեմ Չեդ Մենդեսի UFC 179-ի շրջանակներում[4]
- BloodyElbow.com
- Տարվա լավագույն մենամարտ (2014) ընդդեմ Չեդ Մենդեսի UFC 179-ի շրջանակներում[5]
- MMAJunkie.com
Ծանոթագրություններ
[խմբագրել | խմբագրել կոդը]- ↑ «Бой Жозе Альдо vs. Конор МакГрегор состоится 11 июля на турнире UFC 189 | Mmain: Смешанные единоборства, ММА». Արխիվացված է օրիգինալից 2016 թ․ ապրիլի 19-ին. Վերցված է 2020 թ․ օգոստոսի 25-ին.
- ↑ Brian Knapp (2010 թ․ հունվարի 15). «Sherdog's Fighter of the Year» (անգլերեն). sherdog.com. Վերցված է 2015 թ․ հոկտեմբերի 24-ին.
- ↑ Staff (2015 թ․ հունվարի 31). «2014 World MMA Awards winners: Lawler, Rousey, Gastelum, McGregor, UFC, MMAjunkie» (անգլերեն). mmajunkie.com. Վերցված է 2015 թ․ հոկտեմբերի 24-ին.
- ↑ Brett Okamoto (2015 թ․ հունվարի 8). «Aldo-Mendes pull off Fight of the Year» (անգլերեն). espn.go.com. Վերցված է 2015 թ․ հոկտեմբերի 24-ին.
- ↑ Tim Burke (2015 թ․ հունվարի 19). «Bloody Elbow 2014 Year-End Awards - Results» (անգլերեն). bloodyelbow.com. Արխիվացված է օրիգինալից 2019 թ․ դեկտեմբերի 1-ին. Վերցված է 2015 թ․ հոկտեմբերի 24-ին.
- ↑ Mike Bohn (2014 թ․ դեկտեմբերի 28). «MMAjunkie's 'Fight of the Year' for 2014 – a rematch tops our list» (անգլերեն). mmajunkie.com. Վերցված է 2015 թ․ հոկտեմբերի 24-ին.
- ↑ Mike Bohn, Staff (2014 թ․ նոյեմբերի 2). «MMAjunkie's 'Fight of the Month' for October 2014 (as if you didn't know)» (անգլերեն). mmajunkie.com. Վերցված է 2015 թ․ հոկտեմբերի 24-ին.
Արտաքին հղումներ
[խմբագրել | խմբագրել կոդը]| Նախորդող՝ առաջին չեմպիոն |
UFC-ի կիսաթեթև քաշային կարգի 1-ին չեմպիոն 2010 թվականի 20 - 2015 թվականի դեկտեմբերի 12 |
Հաջորդող՝ Քոնոր ՄաքԳրեգոր |
| Նախորդող՝ Քոնոր ՄաքԳրեգոր |
UFC-ի կիսաթեթև քաշային կարգի 3-ին չեմպիոն 2016 թվականի նոյեմբեր 26 - 2017 թվականի հունիսի 3 |
Հաջորդող՝ Մաքս Հոլոուեյ |
 | Վիքիպահեստն ունի նյութեր, որոնք վերաբերում են «Ժոզե Ալդու» հոդվածին։ |
| ||||||||||
