Մանադո
| Բնակավայր | ||
|---|---|---|
| Մանադո | ||
| Si Tou Timou Tumou Tou | ||
 | ||
| Երկիր |  Ինդոնեզիա | |
| Համայնք | North Sulawesi?[1] | |
| Ներքին բաժանում | Bunaken?[2], Bunaken Kepulauan?[2], Malalayang?[2], Mapanget?[2], Paal Dua?[2], Sario?[2], Singkil?[2], Tikala?[2], Tuminting?[2], Wanea?[2] և Wenang?[2] | |
| Հիմնադրված է | հուլիսի 14, 1623 թ. | |
| Մակերես | 166,87 կմ² | |
| ԲԾՄ | 5±1 մետր | |
| Բնակչություն | 461 636 մարդ (2015)[3] | |
| Ժամային գոտի | UTC+8 | |
| Փոստային դասիչ | 25000 | |
| Պաշտոնական կայք | kotamanado.go.id | |
| ||
Մանադո (ինդոն.՝ Manado), Ինդոնեզիայի Հյուսիսային Սուլավեսի նահանգի մայրաքաղաքը, գյուղատնտեսական և ձկնորսական առևտրի ու դայվինգի հայտնի կենտրոն[4]։ Քաղաքը տեղակայված է համանուն ծովածոցի ափին գտնվող լեռնային տարածքում և ունի 9 շրջան։
Պատմություն
[խմբագրել | խմբագրել կոդը]Հոլանդական Արևելյան Հնդկաստանի ընկերությունը 1658 թվականին այստեղ ամրոց է կառուցել, որը կոչվում է Ամստերդամի Ֆորտ։ Դրանից հետո Մանադոն, ինչպես Ինդոնեզիայի մյուս արևելյան շրջանները, ենթարկվել է քրիստոնեացման։ Քաղաքում դեռևս կանգուն է Gereja Sentrum եկեղեցին (ի սկզբանե կոչվել է Oude Kerk), որը կառուցվել է հոլանդացի առաջին միսիոներների կողմից։
1830 թվականին Նիդերլանդների կառավարությունը այստեղ է աքսորել ճավայական արքայազն Դիպոնեգորոյին, ով խռովություն էր բարձրացրել հոլանդացիներից անկախանալու նպատակով։
1919 թվականին քաղաքում հիմնադրվել է Սուլավեսիի Առաքելական պրեֆեկտուրան, իսկ 1961 թվականին վերակազմավորվել է Մանադոյի թեմի։
1958 թվականին քաղաքը ռմբակոծվել է կառավարական ուժերի կողմից։ Այն բանից հետո, երբ Պերմեստայի ապստամբ շարժումը, որ իշխանություններից պահանջում էր քաղաքական և տնտեսական բարեփոխումներ, իր կենտրոնակայանի հետ տեղակայվել է քաղաքում, Ջակարտան փետրվարին հաստատել է Մանադոյի ռմբակոծումը։ Իսկ նույն տարվա հունիսին Ինդոնեզիայի բանակի զորքերը մտել են քաղաք։
2009 թվականի մայիսի 11-15-ը այստեղ անցկացվել է Համաշխարհային օվկիանոսի հիմնախնդիրների միջազգային խորհրդաժողովը, որին մասնակցել են 121 պետությունների ներկայացուցիչներ[5]։ Քննարկման հիմնական թեման Համաշխարհային օվկիանոսի դերի գնահատումն էր գլոբալ տաքացման մեջ։
2012 թվականի հունվարի 8-15-ը Մանադոյում հյուրընկալվել է Հարավարևելյան Ասիայի զբոսաշրջության ֆորումը։ Միջոցառմանը մասնակցել են ավելի քան 1600 պատվիրակներ (զբոսաշրջության ոլորտի աշխատողներ, տարբեր երկրների արդյունաբերության նախարարներ, ինչպես նաև լրագրողներ)։
Տնտեսություն
[խմբագրել | խմբագրել կոդը]Մանադոյի շրջակայքում աճեցվում են մեխակ, սուրճ և կոկոսյան արմավենի։ Կան ձեռնարկություններ գյուղատնտեսական արտադրանքի վերամշակման համար, կազմակերպվում է սուրճի, շաքարեղեգի, մշկընկույզի, արժեքավոր փայտի տեսակների արտահանում։ Լավ զարգացած են փայտամթերումը, ձկնորսությունը և խեցեգործությունը։ Գոյություն ունեն միջազգային օդանավակայան, միջին և բարձրագույն ուսումնական հաստատություններ[6]։
Տեսարժան վայրեր
[խմբագրել | խմբագրել կոդը]Մանադոյում առավել զարգացած է էկոտուրիզմը։ 1991 թվականից այստեղ գործում է Բունակեն-Մանադո Տուա ծովային ազգային պարկը, որն իր տեսակի մեջ առաջինն է Ինդոնեզիայում։ Այս վայրը գրավում է բազմաթիվ ջրասուզակների իր կորալյան պատերով և ստորջրյա հարուստ ֆաունայով։ Հարկ է նշել, որ այստեղ հայտնաբերվել են լաթիմերիա ձկներ, որոնք համարվում են կենդանի բրածոներ։ Արշավականների համար հետաքրքիր է Մանադոյից հարավ գտնվող Լոկոն և Մինհասու հրաբուխների շրջակայքը։ Դեպի արևելք գտնվում է Տանգկոկո արգելոցը, որտեղ կարելի է տեսնել աշխարհի ամենափոքր պրիմատներին, ռնգեղջյուրների, եղնիկների և վայրի բնության այլ ներկայացուցիչների։
Քաղաքի մաս կազմող Բունակեն կղզին ունի վայր դայվինգի համար և ծովային զբոսայգի։
-
Քաղաքային տեսարան -
Չինական վանք
Կլիմա
[խմբագրել | խմբագրել կոդը]| Մանադոյի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Միջին բարձր °C (°F) | 29.4 (84.9) |
29.5 (85.1) |
30.0 (86) |
31.4 (88.5) |
31.4 (88.5) |
31.2 (88.2) |
31.3 (88.3) |
32.0 (89.6) |
32.3 (90.1) |
31.7 (89.1) |
30.9 (87.6) |
30.1 (86.2) |
30.9 (87.6) |
| Միջին օրական °C (°F) | 25.4 (77.7) |
25.4 (77.7) |
25.7 (78.3) |
26.4 (79.5) |
26.4 (79.5) |
26.2 (79.2) |
26.1 (79) |
26.6 (79.9) |
26.4 (79.5) |
26.3 (79.3) |
26.3 (79.3) |
25.8 (78.4) |
26.1 (79) |
| Միջին ցածր °C (°F) | 22.3 (72.1) |
22.2 (72) |
22.3 (72.1) |
22.4 (72.3) |
22.4 (72.3) |
22.3 (72.1) |
21.8 (71.2) |
21.9 (71.4) |
21.2 (70.2) |
21.8 (71.2) |
22.3 (72.1) |
22.5 (72.5) |
22.1 (71.8) |
| Տեղումներ մմ (դյույմ) | 427 (16.81) |
361 (14.21) |
338 (13.31) |
266 (10.47) |
268 (10.55) |
277 (10.91) |
170 (6.69) |
121 (4.76) |
149 (5.87) |
256 (10.08) |
290 (11.42) |
365 (14.37) |
3288 (129,45) |
| Միջին ամսական արևային ժամ | 129 | 119 | 155 | 168 | 168 | 144 | 176 | 210 | 179 | 172 | 157 | 152 | 1929 |
| աղբյուր: Գերմանիայի եղանակային ծառայություն[7] | |||||||||||||
Քույր քաղաքներ
[խմբագրել | խմբագրել կոդը]
Դավաո, Ֆիլիպիններ- Զամբոանգա, Ֆիլիպիններ
Ծանոթագրություններ
[խմբագրել | խմբագրել կոդը]- ↑ Indonesian Minister of Home Affairs Decree 100.1.1-6117 Of 2022 — P. 2895.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Ինդոնեզիայի ներքին գործերի նախարարի 2022 թվականի թիվ 050-145 հրամանագիրը
- ↑ The Master Book of Indonesian Territory Data 2015 (ինդոն.)
- ↑ Մանադոն ՄՍՀ-ում
- ↑ Конференция по проблемам мирового океана открылась в Индонезии — ՌԻԱ Նովոստի, 11.05.2009
- ↑ «Словарь современных географических названий»Под общей редакцией акад. В. М. Котлякова Манадо // Словарь современных географических названий. — Екатеринбург: У-Фактория. — 2006. Екатеринбург: У-Фактория, 2006
- ↑ «Station 97014». Federal Ministry of Transport and Digital Infrastructure. Արխիվացված է օրիգինալից 2017 թ․ հոկտեմբերի 17-ին. Վերցված է 2017 թ․ հուլիսի 29-ին.
Արտաքին հղումներ
[խմբագրել | խմբագրել կոդը] |
Վիքիճամփորդն ունի Manadoին առնչվող զբոսաշրջային տեղեկատվություն։ |
 | Վիքիպահեստն ունի նյութեր, որոնք վերաբերում են «Մանադո» հոդվածին։ |
| ||||||||||
