Մարիզա
| Մարիզա | |
|---|---|
 | |
| Հիմնական տվյալներ | |
| Բնօրինակ անուն | պորտ.՝ Marisa dos Reis Nunes |
| Նաև հայտնի է որպես | Mariza |
| Ծնվել է | դեկտեմբերի 16, 1973[1] (51 տարեկան) Մապուտու, Մոզամբիկ |
| Երկիր |  Պորտուգալիա |
| Ժանրեր | Ֆադու |
| Մասնագիտություն | երգչուհի, երաժիշտ և երգերի հեղինակ |
| Գործիքներ | վոկալ |
| Լեյբլ | Warner Music Group |
| Պարգևներ | |
| Կայք | mariza.com |
 Mariza Վիքիպահեստում | |
Մարիզա (Mariza, պորտուգալերեն՝ [mɐˈɾizɐ][4][5], լրիվ անունը՝ Մարիզա Ռեյշ Նունեշ, պորտ.՝ Marisa Reis Nunes, դեկտեմբերի 16, 1973[1], Մապուտու, Մոզամբիկ), պորտուգալացի երգչուհի, ֆադու կատարող։ Ըստ անգլիական The Independent օրաթերթի, Մարիզան «երաժշտության աշխարհում սենսացիա» է, և երգչուհի Ամալիյա Ռոդրիգիշից հետո այս ժանրում լավագույնն է։ Մարիզան ամբողջ աշխարհում վաճառել է ավելի քան 1 000 000 ձայնագրություն[6]։ Ելույթ է ունեցել Եվրատեսիլ 2018 երգի մրցույթի եզրափակչում՝ բացման ժամանակ, երգելով պորտուգալական ազգային երգ[7]։
Կենսագրություն
[խմբագրել | խմբագրել կոդը]Ծնվել է 1973 թվականի դեկտեմբերի 16-ին Մապուտուում (Մոզամբիկ)։ Նրա հայրը պորտուգալացի էր, իսկ մայրը մասնակի աֆրիկացի էր[8]։ Երեք տարեկանում ծնողների հետ տեղափոխվել է Լիսաբոն։ Իր առաջին ալբոմի՝ Fado em Mim-ի 2001 թվականին լույս տեսնելուց անմիջապես հետո մեծ հռչակ է բերում երգչուհուն (վաճառվել է ավելի քան երեք հազար օրինակ)։ 2002 թվականին՝ Ֆուտբոլի աշխարհի առաջնության ժամանակ Մարիզան Պորտուգալիայի և Հարավային Կորեայի միջև խաղից առաջ կատարել է Պորտուգալիայի ազգային օրհներգը։ Նույն թվականին Քվեբեկի Ամառային երաժշտության փառատոնում արժանացել է առաջին մրցանակին՝ Most Outstanding Performance անվանակագում։ Բրիտանական BBC Radio 3 ռադիոկայանը եռակի անգամ Մարիզային ճանաչել է որպես էթնիկ երաժշտության լավագույն կատարող (2003, 2005, 2006)։
Երկրորդ ալբոմը՝ Fado Curvo-ն, լույս է տեսել 2003 թվականին և Billboard Top of World Music-ում զբաղեցրել է վեցերորդ հորիզոնականը։
2004 թվականին Աթենքի Ամառային օլիմպիական խաղերի ժամանակ նա երգիչ Սթինգի հետ կատարում է A Thousand Years երգը, որը ներառվել է Unity Օլիմպիական խաղերի պաշտոնական ալբոմում։ Նույն թվականին նա ստացել է European Border Breakers Award մրցանակը։ 2004 թվականի դեկտեմբերին Մարիզան Մոսկվայի միջազգային երաժշտության տանը հանդես է եկել երկու համերգով։
Transparente անունով իր երրորդ ալբոմը ձայնագրվել է 2005 թվականին և թողարկվել է Բրազիլիայում։ Այն Պորտուգալիայի հիթ-շքերթներում զբաղեցրել է առաջին տեղը և մտել է եվրոպական այլ երկրների ամենահայտնի ալբոմների տասնյակում։ 2005 թվականի հուլիսին նա Live 8 երաժշտական փառատոնի պատվավոր հյուր էր։ Նույն թվականին UNICEF-ի Պորտուգալիայի բաժանմունքը Մարիզային պարգևատրում է Բարի կամքի դեսպանի պատվավոր կոչմամբ։
2006 թվականին Ավստրալիայում Best International Contemporary Concert անվանակարգում ստացել է Helpmann Awards մրցանակը, իսկ Պորտուգալիայում՝ ազգային «Ոսկե գլոբուս» մրցանակը՝ «լավագույն անհատ կատարող» անվանակարգում։
Սկավառակագրություն
[խմբագրել | խմբագրել կոդը]- 2001 — Fado em Mim (չորս պլատինե սկավառակ)
- 2003 — Fado Curvo (չորս պլատինե սկավառակ)
- 2004 — Live in London (պլատինե սկավառակ)
- 2005 — Transparente (երեք պլատինե սկավառակ)
- 2006 — Concerto em lisboa
- 2008 — Terra
- 2010 — Fado Tradicional
- 2013 — Live at Philharmonie im Gasteig in Munich
- 2014 — Best Of Mariza
- 2015 — Mundo
Ծանոթագրություններ
[խմբագրել | խմբագրել կոդը]- ↑ 1,0 1,1 Encyclopædia Britannica
- ↑ http://www.ordens.presidencia.pt/?idc=153
- ↑ https://www.aroj.net/2022/07/22/vucic-with-bocelij-and-mariza-the-president-awarded-medals-for-meritorious-artists-to-great-artists-photo/
- ↑ John McKie, "The interview: John McKie: Mariza"(չաշխատող հղում), The Times, March 2, 2003, retrieved 11-11-2009
- ↑ Clive Davis, "Mariza, fado star"(չաշխատող հղում), The Times, 14 September 2008, retrieved 11-11-2009
- ↑ Diario de Noticias: Até hoje Mariza já vendeu um milhão de discos 21 June 2008 Արխիվացված 27 Մարտ 2010 Portuguese Web Archive, retrieved 29 October 2010
- ↑ Eurovision Song Contest 2018 - Grand Final
- ↑ The Tennessean, Arts & Entertainment, 8 March 2009, p. 14
Արտաքին հղումներ
[խմբագրել | խմբագրել կոդը]- Պաշտոնական կայք Արխիվացված 2018-04-23 Wayback Machine (պորտ.) (անգլերեն)
- Mariza Ընկերները Blog
- Հարցազրույց Մարիզայի հետ Մոսկվայում իր համերգի ժամանակ
- Մարիզայի ստեղծագործությունները, կենսագրությունը և ձայնագրությունները (ռուսերեն)
- Մարիզայի ընկերների կայքը (պորտ.)
 | Վիքիպահեստն ունի նյութեր, որոնք վերաբերում են «Մարիզա» հոդվածին։ |
| ||||||||||||||||||||||||
