Mart Helme
Mart Helme es un politico e diplomat. Il nascet li 31-im de octobre 1949 in Pärnu e es desde li annu 2013 li presidente del conservativ partise Conservativ Popul Partise de Estonia.
Personal e professional vive
[modificar | redacter fonte]Mart Helme finit li scole in Pärnu in li annu 1968. Il studiat historie in li Universitá de Tartu. Helme esset pos su studie inter 1973 e 1992 administrator del Asociation del Estonian Editores. In li annu 1994 Helme devenit diplomat. Il scrit mult historic libres.
Mart Helme es maritat con Helle-Monika Helme. Li cuple have du infantes. Con su unesim marita Sirje Helme il have tri infantes.
Durant li ocupation de Estonia per li Soviet-Union Mart Helme anc esset musicante e ludet in li musica-gruppe Fix, Hallo, Vitamiin e Hübriid li basse-gitarre.
Helme es conosset quam grand critico del politica de Russia.
Political cariera
[modificar | redacter fonte]- 1994 Mart Helme devenit membre del diplomatic servicie de Estonia.
- 1995-1998 Ambassador de Estonia in Russia.
- 1999-2003 Vice-statal secretario in li ministerie por externi afere de Estonia.
- 2003-2004 Consiliero in li ministerie por agricultura de Estonia.
- 2003-2005 Membre del Estonian Popul Union
- 2004 Helme candidat por li parlament de Estonia por li Rural Popul Union de Estonia.
- 2005 Helme es excludet ex li Estonian Popul Union.
- 2005-2009 Consiliero del membre del estonian parlament Tunne Kelam.
- 2011 Helme esset singul candidate por li estonian parlament.
- 2012 Helme devenit membre del Conservativ Popul Partise de Estonia.
- 2013 Mart Helme devenit li 13-im de april 2013 presidente del conservativ partise Conservativ Popul Partise de Estonia.
- 2015 Helme candidat por li estonian parlamant quam prim candidate del Conservativ Popul Partise de Estonia e es electet in li parlament.