ARPANET

Advanced Research Projects Agency Network (ARPANET) (Agenterio-retaro por Avancigat Exploro-projeti) esis frua paketo-swicho-reto e l'unesma reto qua realigis la TCP/IP-protokolaro.

Amba teknologii divenis la teknikala fundamento dil Interreto. L'ARPANET fondesis dal Advanced Research Projects Agency (ARPA) di la Defenso-Ministerio di Usa.

La paketo-swicho-metodologio employita en l'ARPANET fondesis sur koncepti e desegni da Leonard Kleinrock, Paul Baran, Donald Davies e Lawrence Roberts. La TCP/IP-komuniko-protokoli developesis por l'ARPANET da la *komputoro-ciencisti Robert Kahn e Vint Cerf, ed inkluzis koncepti de la franca CYCLADES-projeto qua direktesis da Louis Pouzin.

Dum ke la projeto progresis, protokoli por interreti developesis, per qui multa aparta reti povus juntesar aden reto-de-reti. Aceso al ARPANET expansis en 1981, kande la Nacionala Cienco-Fonduro (NSF) financizis la Komputoro-Cienco-Reto (CSNET).

En 1982, l'interreto-protokolaro (TCP/IP) enduktesis kom la normala reto-protokolo en l'ARPANET.

Dum la frua yari 1980ma, la NSF financizis l'establiso di nacionala superkomputoro-centri che plura universitati, e provizis interkonektiveso en 1986 kun la NSFNET-projeto, qua anke kreis reto-aceso a la superkomputoro-situi en Usa por *resercho- ed eduko-organizuri.

L'ARPANET desatribuesis en 1989.