Gilgamesh
Gilgamesh (Sumeriane: 𒀭𒄑𒉋𒂵𒈨𒌋𒌋𒌋, skribita per Romana literi kom Gilgameš) esis mitologiala heroo en Sumerian ed Akadiana mitologio, qua tamen probable devenas de vera historiala rejulo, guvernante ultempe inter 2900 e 2500 aK, quan on pose deigis. Il aparis en poemi mitologiala del tarda 3ma yarmilo aK, de qui epikaji facesis dum Mez-Babiloniana tempi (cirkume 1550 - 1150 aK).
Kom figuro historial ilu probable esis Sumeriana rejo di Uruk dum la unesma duimo dil 3ma yarmilo aK. Texti arkeologiala de cirkume 2500 aK e 1900 aK ja nomas lu.
En la mitologial Epikajo di Gilgamesh il ocidis, kun sua amiko e rivalo Enkidu, la Bovulo dil Cielo, sendita ad ili dal deino Ishtar kom puniso. La dei decidis ke un del li devus mortar, selektonte Enkidu, qua balde maladeskas e mortas. Gilgamesh konseque timeskis pri morto e decidis aquiror nemortiveso. Pro to il serchis Utnapishtim, la sola homo qua transvivis la diluvio, segun la mitologio Mesopotamiana.