xekri xamsi

ni'o la xekri xamsi cu ropno je xadzo xamsi fi'o selsruri le tumla .i la xekri xamsi cu lamji la turk. .e la bulgarias. .e la roMAni,as .e le vurgu'e .e le rukygu'e .e la sakartulos .i xy. jorne la marmaras.xas. noi jorne la tumlyselsru xamsi la dardaNEL. ku'o la bosporos gi'e jorne la .azov.xas. la kertc.jark .i ralju ke lamji be le xaskoi be'o fa la .istanbul .e la burgas .e la varnas .e la konstantas .e la .ualtas .e la odesas .e la sevastopol .e la kertc .e la novoroSISK .e la sotc .e la suxumis .e la potis .e la batumis e la trabzon .e la samsun

ni'o xamsi djacu flecu la bosporos. lo xekri xamsi .i tolsilna djacu flecu fi xy. lo sruri tumla .i la dunav. cu ralju rirxe fo xy .i xy. mitre li 2210 le ni conrai

tedyske

ni'o le xekri xamsi cu traji bo barda je claxu bo kijno xamsi bo ciste ja'e le du'u le xekri xamsi cu banli condi le cnita le sefta gi'e denmi silna condi bo djacu .i le nu le tolsilna je silna djacu cu jicla cu jimte condi le cnita le sefta ku panono le mitre ku bi'o pamuno le mitre .i le djacu poi ke'a cnita le jicla senta to senta me'e lu sutra denmi bo binxo senta li'u toi ku'o cu jicla fi'o citsi le na'arki'o