Sogok untu
Sogok Untu ya iku kayu utawa plastik cilik kang wujudé arep kaya biting kang minangka ngresiki sisa-sisa panganan kang nyelip ana ing sela-salané untu.[1] Sogok untu racaké duwé siji utawa loro pucuk kang lancip kanggo nyukil panganan kang isih kèri ing sela-selaning untu.[1]
Asal-usule Sogok Untu
[besut | besut sumber]Anané sogok untu iku wis suwé banget éwonan taun kapungkur, manawa bisa dadi piranti ngresiki untu kang tuwa dhéwé.[1] Sadurungé sikat untuk digawé, anggoné ngresiki untu, wong-wong nggunakaké kayu cilik kang bisa ndadèkaké untu resik.[1] Sogok untu kang nggawéné saka perunggu wis tau tinemu ing antarané perkakas-perkakas kang katut dipendhem ing jero kuburan-kuburan pra-sajarah ing Italia Utara lan Alpen Timur.[1] Sogok untu uga dingertèni ing Mesopotamia.[1]
Ana conto-conto sogok untu kang apik lan artistik saka pérak ing jaman kuna, utawa saka kayu mastis kang racaké dianggo karo bangsa Romawi.[1]
Rikala abad kaping 17, sogok untu dianggep barang mewah nganti dipadha-padhakake karo perhiasan permata.[1] Wong-wong jaman semono nggawe sogok untu saka emas banjur dihiasi karo watu-watu akik.[1]
Saiki, amarga ngèlmu kadhokteran gigi wis maju, pangganggonan sogok untu rada ora diéntuki, mula piranti-piranti liyané kaya benang untu lan sikat untu luwih disenengi.[1] Nanging amarga ana terobosan mutakhir ing tèknologi rasa, sogok untu tetep disenengi wong akèh.[1]
Praja Maine ing Amérikah Sarékat dadi produsen paling gédhé kanggo sogok untu.[1] Ing Koréa Kidul, kanggo ngoyak-ngoyak rakyaté supaya bisa ngajeni lingkungan, ana perusahaan nggawé sogok untu kang bisa dipangan. Sogok untu iki digawé saka tela, ketok bening lan empuk yèn kena banyu panas.[1]
Bebayane nggunakaké sogok untu
[besut | besut sumber]Sogok untu ya iku barang kang kerep digoléki, mligi sawisé mangan panganan kang akèh seraté kaya jangan-jangan lan daging.[2] Malah ora sithik wong kang ora bisa urip tanpa sogok untu, mula dhèwèkè mesthi nyiapaké sogok untu ing tasé.[2] Padahal, yèn kerep-kerep nggunakaké sogok untu lan ora resik bisa mbebayani.[2] Nggunakaké sogok untu kang ora trep bisa natoni jaringan lunak ing sekitaré untu, banjur bisa ndadèkaké keradangan ing jaringan lunak mukosa gronggongan mulut.[2] Saliyané iku sogok untu bisa ndadèkaké untu tambah benggang amarga diameter sogok untu lumayan gedhé.[2] Iritasi lan trauma terus-terusan bisa ndadèkaké benjolan ing gingiva utawa gusi kang kerep diarani epulis.[2]
Epulis amarga nggunakaké sogok untu kerep-kerep lan ora steril iku diarani Epulis Fibromatosa.[2] Epulis iki awujud benjolan lan duwé tangkai, empuk, wernane pucet, ora gampang metu getihe, lan ora lara.[2] Penanganané ya iku eksisi utawa diketok lan di kuretage utawa kuret jaringan lunak.[2] Kumaté penyaki iki yèn pakulinan nganggo sogok untu sig kereb banget lan ora steril tetep dilakoni.[2]