სოჭი

სოჭი
სოჭის გირჩი
მეცნიერული კლასიფიკაცია
სამეფო:  მცენარეები განყოფილება:  წიწვოვნები კლასი:  წიწვოვნები რიგი:  ფიჭვისნაირნი ოჯახი:  ფიჭვისებრნი გვარი:  სოჭი
ლათინური სახელი
Abies
სისტემატიკა ვიკისახეობებში სურათები ვიკისაწყობში ITIS   18031 NCBI   3319 EOL   13998 IPNI   31959-1 FW   55065

სოჭი (ლათ. Abies) — მერქნიან მცენარეთა გვარი ფიჭვისებრთა ოჯახისა. ტანმაღალი, მარადმწვანე ხეებია.

50-მდე სახეობა გავრცელებულია ჩრდილოეთ ნახევარსფეროში. საქართველოში ბუნებრივად გავრცელებულია მხოლოდ ერთი სახეობა — კავკასიური სოჭი და ინტროდუცირებულია 13 სახეობა.

სოჭი ჩრდილის ამტანი და სინესტის მომთხოვნია. ახალგაზრდა ხე ნელა იზრდება, ცოცხლობს 500-800 წლამდე. მრავლდება თესლითა და გადაწვენით. მისი მერქანი რბილი, მჩატე და ნაკლებგამძლეა, ძირითადად იხმარება ქაღალდის წარმოებაში, სამშენებლო და სარეზონანსო მასალად.

ლამაზი დეკორატიული ხეა, ბაღებსა და პარკებში აშენებენ უმეტესად მის მტირალა, ხშირტოტიან და ნაირფერწიწვიან ფორმებს.

იხილეთ აგრეთვე

• სოჭნარი

ლიტერატურა

• აბაშიძე ი., ქართული საბჭოთა ენციკლოპედია, ტ. 9, თბ., 1985. — გვ. 500.