გამოსვლისთანავე, ალბომმა მოხსნა Spotify-ს ისტორიაში ქალი შემსრულებლის ალბომის ყველაზე დიდი სადებიუტო დღის სთრიმების გინესის მსოფლიო რეკორდი. ალბომის მთავარი სინგლი ,,Cardigan" მოექცა ბილბორდის ცხელი ასეულის სათავეში (#1). Folklore ლიდერობდა ავსტრალიის, კანადის, ირლანდიის, ახალი ზელანდიის, გაერთიანებულ სამეფოსა და სხვა ქვეყნების ჩარტებში. ასევე ეს იყო სვიფტის რიგით მეშვიდე ნომერ პირველი ალბომი აშშ-ს Billboard 200-ში, სადაც ის რვა კვირის განმავლობაში იყო ჩარტის სათავეში და გახდა 2020 წლის ყველაზე გაყიდვადი ალბომი.
ფოლკლორმა მიიღო კრიტიკოსთა ფართო აღიარება. ის მოხვდა 2020 წლის საუკეთესო ალბომების უამრავ სიაში. Folklore-მა მოიგო წლის ალბომის ჯილდო 63-ე ყოველწლიურ გრემის დაჯილდოებაზე, რითაც სვიფტი გახდა პირველი ქალი შემსრულებელი ისტორიაში, რომელსაც ჰქონდა ეს ჯილდო მოპოვებული. სვიფრმა 2020 წლის 25 ნოემბერს გამოუშვა მუსიკალური ფილმი, Folklore: The Long Pond Studio Sessions, სადაც მან ალბომში შემავალი სიმღერები შეასრულა.
ალბომი გამოვიდა 2020 წლის 24 ივლისს მოულოდნელად. გამოქვეყნებამდე მხოლოდ 16 საათით ადრე გახდა ცნობილი ალბომის გამოშვების შესახებ და შესაბამისად, ალბომი არ იყო ფართოდ ხელმისაწვდომი საცალო ვაჭრობაში მის პირველ კვირას.[1][2] Deluxe CD და ვინილის LP შვიდი სხვა ალტერნატიული ქავერებით, იყიდებოდა მხოლოდ ექსკლუზიურად სვიფტის ვებსაიტზე. ფოლკლორის სტანდარტული გამოცემის ,,In the Trees" დისკები გამოვიდა საცალო ვაჭრობაში 2020 წლის 7 აგვისტოს.[3] ალბომის დელუქს ვერსია, რომელშიც წარმოდგენილი იყო ბონუს სიმღერა ,,The Lakes", გამოვიდა ციფრულ პლატფორმებზე 2020 წლის 18 აგვისტოს.[4]
ალბომის მეჩვიდმეტე ტრეკის ,,The Lakes", ინსპირაციის წყარო გახლავთ ტბა Windermere
ალბომის მთავარი სინგლი ,,Cardigan" ალბომთან ერთად გამოვიდა 2020 წლის 24 ივლისს. სიმღერა გაიგზავნა აშშ-ს პოპ და კომტემპორარ-პოპ რადიოში 27 ივლისს.[5] სიმღერის დებიუტი ბილბორდის ცხელ ასეულში შედგა პირველ ადგილზე.[6]
ალბომის მეორე რადიო (არაოფიციალური) სინგლი ,,Exile" გაიგზავნა ზრდასრულთა ალტერნატიულ რადიოში 2020 წლის 3 აგვისტოს, რომელიც ბილბორდის ცხელ ასეულში მეექვსე ადგილზე გავიდა. შემდეგი რადიო (არაოფიციალური) სინგლი ,,Betty" გაიგზავნა ქანთრი რადიოში 17 აგვისტოს.[7] ალბომის საბოლოო ევროპული რადიოს (არაოფიციალური) სინგლი ,,The 1" გაიგზავნა გერმანიის კონტემპორარ ჰიტ რადიოში 2020 წლის 9 ოქტომბერს.[8] სინგლი ბილბორდის ცხელ ასეულში მეოთხე ადგილზე გავიდა. 2021 წლის 24 ივლისს, ფოლკლორის ერთი წლის აღსანიშნავად, გამოვიდა ,,The Lakes"-ის ორიგინალური საორკესტრო ვერსია, როგორც სარეკლამო სინგლი.[9]
Folklore: The Long Pond Studio Sessions გამოვიდა 2020 წლის 25 ნოემბერს, Disney +-ზე. ფილმში სვიფტმა შეასრულა სიმღერები ფოლკლორიდან პროდიუსერებთან: ჯეკ ანტონოფთან და აარონ დესნერთან ერთად. ფილმის პრემიერასთან ერთად, ასევე გამოვიდა იგივე სახელწოდების ლაივ ალბომი - Folklore: The Long Pond Studio Sessions (Disney+ Special).[10]
ფოლკლორმა მიიღო კრიტიკოსთა ფართო აღიარება. კრიტიკოსებმა ალბომს უწოდეს სვიფტის ყველაზე დახვეწილი ნამუშევარი.[11]Metacritic-ზე ალბომს აქვს 88 ქულა 100-დან, 27 შეფასების საფუძველზე.[12] ფოლკლორი არის სვიფტის ყველაზე კრიტიკულად აღიარებული ალბომი [142] და ფართოდ განიხილება 2020 წლის საუკეთესო ალბომად.[13]
Rolling Stone-ის რედაქტორმა, რობ შეფილდმა შეაქო სვიფტის სიმღერების წერის უნარი, რამაც გამოავლინა მისი ,,ღრმა გონიერება, თანაგრძნობა და ემპათია", რაც ფოლკლორს ყველაზე ინტიმურ ალბომად აქცევს."[14] ალბომმა მაქსიმალური შეფასებები მიიღო შემდეგი ტაბლოიდებისგან: The Daily Telegraph, The Guardian, The Irish Times, The Sydney Morning Herald.
რებეკა ჰარკნესი მესამე ტრეკის ,,The Last Great American Dynasty" ინსპირაციის წყაროა.
გამოსვლისთანავე, ალბომმა მოხსნა Spotify-ს ისტორიაში ქალი შემსრულებლის ალბომის ყველაზე დიდი სადებიუტო დღის სთრიმების გინესის მსოფლიო რეკორდი 80,6 მილიონზე მეტი სთრიმით.[41] ,,Cardigan"-მა დაიკავა პირველი ადგილი Spotify-ის გლობალურ ჩარტში 7,742 მილიონი სთრიმით, რაც იყო 2020 წლის ქალი შემსრულებლის ყველაზე დიდი დებიუტი.[42] ალბომმა მოხსნა Apple Music-ის ერთ დღეში ყველაზე სთრიმვადი პოპ ალბომის რეკორდი.[43] Republic Records-ის ცნობით პირველ დღეს გაიყიდა ალბომის 1.3 მილიონი ეგზემპლარი მსოფლიოში.[44] ფონოგრაფიული ინდუსტრიის საერთაშორისო ფედერაციამ ალბომი დაასახელა ქალის შემსრულებლის წლის ყველაზე გაყიდვად ალბომად.[45]
ალბომის დებიუტი ბილბორდ 200-ში შედგა პირველ ადგილზე და რვა კვირის განმავლობაში იყო სათავეში. აშშ-ში პირველ კვირაში გაიყიდა 846,000 ასლი, რაც იყო იმ წლის ყველაზე მაღალი დებიუტი. სვიფტი გახდა პირველი ქალი ბილბორდ 200-ის ისტორიაში, რომლის 7 ალბომს ნომერ პირველ ადგილზე ჰქონდა დებიუტი. ეს იყო სვიფტის მეშვიდე ალბომი, რომლის 500 000-ზე მეტი ასლი გაიყიდა პირველ კვირაში, რითაც გაუთანაბრდა ემინემს.[1]
ალბომი იყო 2020 წლის ყველაზე სწრაფი ალბომი, რომლის 1 მილიონი ასლი გაიყიდა ქვეყანაში[46] და პირველი პირველი, რომელმაც გაატარა პირველი ოთხი კვირა ჩარტის სათავეში, ადელის25-ის შემდეგ. სვიფტი გახდა 21-ე საუკუნის პირველი შემსრუბელები, რომლის ექვს ალბომს მინიმუმ 4 კვირა ჰქონდა გატარებული პირველ ადგილზე და პირველი სოლო/ქალი შემსრულებელი (ბითლზის შემდეგ), რომლის ხუთ ალბომს მინიმუმ 6 კვირა ჰქონდა გატარებული პირველ ადგილზე.[47]
2020 წლის Billboard-ის წლის ბოლოს ჩარტებში სვიფტი მის კარიერაში მეხუთედ გახდა წლის საუკეთესო ქალი შემსრულებელი.[48] ფოლკლორმა პირველი ადგილი დაიკავა წლის ბოლოსტოპ ალბომების გაყიდვების, Tastemaker Albums, Alternative Albums, Hot Rock & Alternative Songs Artists და Billboard 200 Female Artists ჩარტებში. 11 ტრეკი ფოლკლორიდან მოხვდა წლის ბოლო Hot Rock & Alternative Songs ჩარტში.[49] სვიფტი დასახელდა აშშ-ს Spotify-ის 2020 წლის ყველაზე მოსმენად ქალი შემსრულებლად.[50]
ალბომი გახდა 2020 წლის ყველაზე გაყიდვადი ალბომი 2.3 მილიონი ერთეულით.[51] ამან სვიფტი გახადა პირველი შემსრულებელი, რომელსაც ხუთჯერ ჰქონდა კალენდარული წლის ყველაზე გაყიდვადი ალბომი თავისი Fearless, 1989, Reputation და Lover-ის შემდეგ.[52]
[22]
