Amazon.com
Amerika ɛjaɖɛ taa palakɩ tadɩyɛ naɖɩyɛ nɛ pɩtɩŋɩɣna nazɩyʋ tʋmɩyɛ labɩnaʋ yɔɔ. Tadɩyɛ nɖɩɩ payaɣ se « Amazon.com, Inc. ». Tadɩyɛ ńɖɩ palakɩ-ɖɩ Seattle tɛtʋ taa. Takayɩsɩ tadɩyɛ ɖɩkɩlɩɣ labʋ. Pʋwayɩ lɛ, papaɣzɩ pɛdɩɣ ɖɔɖɔ haɖaʋ tɔɔnasɩ ndɩ ndɩ.
Wondu ndʋ nazɩyʋ tʋmɩyɛ labɩnaʋ nɖɩ payaɣ se « Amazon.com, Inc. » yɔ ɖɩpɛdɩɣ yɔ, tɩyɔŋ pɛdɩyaa lɛlaa ɛsa pɩdɩɩfɛyɩ. pʋ-tɔbʋʋ se pɛdɩyaa lɛlaa ñɩnɩɣ se po-wondu ndʋ pɛpɛdɩɣ yɔ, tɩkɩlɩ kajʋka nazɩyʋ tʋmɩyɛ labɩnaʋ tadɩyɛ wondu.
Hasɩyaɖɛ fenaɣ, pɩnaɣ1994 ñɩŋa taa patʋlɩ nazɩyʋ tʋmɩyɛ labɩnaʋ « Amazon.com, Inc. » tadɩyɛ. Ɖajaa Jeff Bezos tʋlɩna tadɩyɛ ńɖɩ. Mɩsɩkʋm fenaɣ, pɩnaɣ 1997 taa patʋlɩ tadɩyɛ ńɖɩ Nasdaq tɛtʋ taa.
Piyele nɛ Fransɩ ɛjaɖɛ taa lɛ, pɩnaɣ 2000 taa ɖɩlɩwa. Nazɩyʋ tʋmɩyɛ labɩnaʋ « Amaon.com, Inc. » tadɩyɛ pɩsɩ kajalaɣ tadɩyɛ nɖɩ ɖɩkɩlɩɣ wondu pɛdɩɣ Fransɩ ɛjaɖɛ taa yɔ pɩnaɣ 2000 ñɩŋa taa.
Kedeŋa kpeekpe yɔɔ ɛntɛrɩnɛtɩ waa sɔsaa naanza mba pɛwɛɛ yɔ, nazɩyʋ tʋmɩyɛ labɩnaʋ « Amazon.com, Inc. » tadɩyɛ wɛ pa-taa. pa-taawɛna. Ɛntɛrɩnɛɛtɩ waa kɩkpaɖaa naanza ḿba, mbaa yɔ : Apple nɛ Google nɛ « Facebook.
Pɩnaɣ 2014 ñɩŋa taa, ɛyaa 132 600 lakaɣna tʋmɩyɛ nazɩyʋ tʋmɩyɛ labɩnaʋ tadɩyɛ « Amazon.com, Inc. » tʋmɩyɛ taa kedeŋa kpeekpe yɔɔ cɩnɛ.