Sigmund Freud

Sigmund Freud
Sigmund Freud di sala 1922'an de
Jidayikbûn	Sigismund Schlomo Freud  6 gulan 1856  Příbor (Margraviate of Moravia, împeratoriya Awistiryayê)
Mirin	23 îlon 1939  London
Sedema mirinê	Laryngeal cancer (Euthanasia)
Cihê goristanê	Golders Green Crematorium
Hevwelatî	împeratoriya Awistiryayê, Cisleithania (–1918), Awistirya (1918–), Almanyaya Nazî (1938–1939)
Perwerde	Zanîngeha Viyanayê
Pîşe	Psîkanalîst neurologist ceribanvan
Xebat	The Interpretation of Dreams Civilization and Its Discontents Totem and Taboo Three Essays on the Theory of Sexuality The Ego and the Id
Meqam	profesor
Hevjîn	Martha Bernays (Hamburg, 1886–1939)
Zarok	Anna Freud Ernst L. Freud Martin Freud Oliver Freud Sophie Freud Mathilde Freud
Dê û bav	Jacob Freud  (bav) Amalia Freud  (dê)
Xizm	Edward Bernays (nephew) Lucian Freud (neviyê kur)
Xelat	Goethe Prize (1930) Foreign Member of the Royal Society (1936)
biguhêre - Wîkîdaneyê biguhêre

Sigmund Freud di 6ê Gulan 1856'ê de li Freiberg (Mähren) anjî ku îro li welatê çîk ê ji dayik bûye. Di 23ê Îlon 1939'ê li London a Brîtanya yê jiyana xwe jidestdide. Bijîşk, pisporê derûnînasiya kûr, avakerê rêgeha psîkoanalîtîk ê, rexnegirê olan e. Yek ji navdarên sedsala 20emîn e.

Herçendî bi xwe miroveke ateîst bû jî, malbata wî bingeh-Cihû bû navê wî yê jidayikbûne Sigismund Schlomo Freud e. Bavê Sigmund, Kallamon Jacob Freud (1815-1896) sêyemîn zevaca xwe bi diya Sigmund Amalia Nathanson (1835-1930) re kiriye. Zaroktiya Sigmund bi xûsk û birayên damariyê re derbasbûye. Bavê wî kesekî bazirgan û dewlemend bû. Mixabin di sala 1857'î de ji ber qeyrana aborî ya wê demê xizan dikeve.

Piştî perwerdehiyeke serkeftî dibe bijîşk û di sala 1882´î de li Nexweşxaneya Giştî ya Wîen dest bi kar dike. Di sala 1885'ê de dibe doçentê Neuropathologiyê. Freud gelek caran li bajar û welatan digere. Derûniya mirov bala wî pirr dikişîne û ew ne li têgihîştinê lê li metoda têgihîştinê digere. Teknîkên wê demê têra wî nakin û ew wan kêm û nebaş dibîne. Gorî wê, sirûştê xweparastineke bêhempa daye mirov û ev yeka han nahêle mirov pirsgirêkên xwe yî derûnî nasbike û derêxîne. Ji bo wê divê mirov hêza vê xweparastinê bêyî êş û azarê bişikîne. Freud dest bi lêgerîn û xurtkirina hîpnotîzma, şîrovekirina xewnan hwd digere.

Berdewama jiyana Sigmund Freud

• 1886 - Zewac bi Martha Bernays re
• 1887 - Bikaranîn û xurtkirina hîpnotîzmayê
• 1888 - Yekemîn cara bikaranîna mikurhatina serbest
• 1893 - Xebat û sererastkirinên li ser obsesyon, hîsterî û anxiete (gumanbariyên bêsedem)
• 1895 - Beyankirina veqetandina derûnînasiyê (psikologî) ji neurologî û psîkîatrî yê
• 1896 - Beyankirina teoriya Ravekirina Derûniyê
• 1900 - Şîrovekirina xewnan, keşfên nû wekî hişar û derhişar
• 1901 - Psîkopatologî ya Jiyana Rojane, bi vê pirtûka xwe ew nîşan dide ku rêgehên wî ne tenê ji bo anormalîte yê, herwekî ji bo normalîte yê jî kêrdar in.
• 1905 - Li ser jiyana seks a mirov xebat
• 1908 - Yekemîn komcivîna navneteweyî ya derûnînasan li Salzburg
• 1910 - Xebat li ser narsîsîzm ê, dayîna konferansan
• 1912 - Weşandina pirtûka Totem û Tabû, veqetina hevalên wî ji Freud wekî Alfred Adler, Carl Gustav Jung. Hevalên Freud rexne li metodan digirin û gorî xwe li metodan digerin
• 1920 - Xebat li ser hezgirî, fobiya mirinê hwd
• 1921 - Xebat û pêşkêşkirina derûnînasiya komî
• 1923 - Xebat û pêşkêşkirinên wekî îd (binez an ajez), ego (ez, eze), superego (serez an ezder) hwd
• 1927 - Dahatûya Paradîgmayek, bi vê pirtûkê dest bi rexnekirina olan dike
• 1933 - Li Germanistanê Hitler tê ser desthilatdariyê. Pirtûkên Freud tên rûxandin
• 1936 - Artêşên Germanistanê Nemsayê dagirdikin. Freud direve Londonê
• 1939 - Li Londonê jiyana xwe jidestdide