Arthropoden

D'Arthropoden (Arthropoda) oder Glidderféisser sinn e Stamm aus dem Déiereräich. Si si mat 75 % vun alle bekannten Aarten de gréisste Stamm aus dem Déiereräich.

Zu den Arthropode gehéieren ausser den Insekten, Dausendféisser, Spannendéieren, Milben a Kriibsdéieren och nach manner bekannt Gruppe wéi d'Séispannen an d'Feilschwanzkriibsen.

D'Gréisst geet vu mikroskopesch klengen Déiere bis hin zu Homaren déi 75 cm laang kënne ginn.

All d'Glidderféisser hunn e baussenzegt Sklett dat de ganze Kierpe ëmschléisst an dat duerch Haitungen erneiert gëtt.

Systematik

• Stamm Arthropoden
  • Ënnerstamm Antennendéieren (Tracheata)
    • Iwwerklass Sechsféisser (Hexapoda)
      • Klass Insekten (Insecta)
      • Klass Duebelschwänz (Diplura)
      • Klass Beentaaschter (Protura)
      • Klass Sprangschwänz (Collembola)
    • Iwwerklass Dausendféisser (Myriapoda)
  • Ënnerstamm Kriibsdéieren (Crustacea)
    • • Klass Cephalocarida
      • Klass Remipedia
      • Klass Kiemefousskriibsen (Branchiopoda)
      • Klass Héijer Kriibsen (Malacostraca)
      • Klass Maxillopoda
      • Klass Zongewierm (Pentastomida)
  • Ënnerstamm Chelicerata
    • • Klass Spannendéieren (Arachnida)
      • Klass Merostomata
      • Klass Asselspannen (Pycnogonida)
  • Ënnerstamm Stompféisser (Onychophora)
    • • Klass Udeonychophora

Um Spaweck

Commons: Arthropoda – Biller, Videoen oder Audiodateien