Paroleta

Un paroleta es un parola cual ave un rol plu gramatical ce la majoria de parolas. Comun incluida en la categoria de paroletas es pronomes, determinantes, preposadas, e juntas. Ance incluida es alga averbos, pd los no derivada de ajetivos, e la paroletas de tempo, modo, e aspeta (comun cortida a "tma"). En cualce lingua, la categoria de paroletas es "cluida" (de un cuantia limitada), contrastante con parolas comun (nomes, verbos, ajetivos, e la plu de averbos), cual es "abrida" (asetante de la ajunta de parolas nova). Comun, paroletas es peti (cual es la razona per la sufisa "-eta"). Lo es comun ce paroletas no varia como otra parolas, ma esta no es universal. Per esemplo, la determinante "la" en linguas romanica varia per acorda con la seso e numero de se nom, e la pronomes en multe linguas varia tan multe como o an plu ca nomes.